蝦麵店 (海光街) (已結業)

原来鲗鱼涌分店既虾面店搬左铺位！今日去到海光街发现原先既铺位转左招牌😱，上Openrice先知原来搬左入内街，真系吓死宝宝🥺新舖位有明显既提升，面积差唔多系旧店既两倍，灯光充足。餐厅主打四款汤底，包括分别为辣味虾汤面、咖哩叻沙汤面、猪骨鸡汤面同福健卤面。咖喱叻沙汤面一直系我最爱，咁耐冇食当然试返咖喱叻沙，至于女友无辣不欢，所以叫左辣味虾汤面。- 咖喱喇沙汤海鲜掺掺海鲜份量绝不手软，包括虾、青口、鱿鱼同蟹柳，虾肉结实，鱿鱼爽囗。掺掺即系油面加米粉，油面烟韧弹牙，米线亦唔容易断开。至于汤底层次丰富，咖喱香味同椰奶集于一「汤」。- 辣味虾汤虾肉肉片掺掺深红色嘅汤底望落好似好辣，不过食落啱啱相反😮。虾汤非常浓郁，虾同肉片份量非常慷慨，油面同米粉索晒虾汤精华，味道令人回味。- 沙嗲酱鱿鱼翼系跟餐既小食之一，鱿鱼翼同秋葵都好爽脆，沙嗲酱既花生味好突出，非常惹味。- 白胡椒肉骨茶油条另一跟餐小食，新加坡肉骨茶偏浅色，胡椒味十足而且带浓郁肉味，美中不足系肉质有少少韧🤔- 马来香炸鸡翼鸡翼总共有五件，肉质比较干😕，不过外皮都好香脆既。- 虾酱通菜上菜时只见到一「劈」酱汁系通菜上面，所以需要人手搅拌🤣虾酱