米珈琲

营业中

休息中

今日同太太两个人去西贡谂住饮咖啡chill吓，见到呢一间咖啡室谂住试吓，一开门就比个老板赶出门口叫我睇清楚门口嘅指示先好再入去，以为有乜嘢咁巴闭，原来系差不多20条嘅规定，包括唔准去吧枱落单，唔准用电话，唔准开会，唔准呢样唔准个样，咁谂住饮杯咖啡都系一阵唔紧要啦（其实事后都觉得自己攞嚟衰），咁就入去试吓，点知系等紧咖啡嚟嘅时候太太只系攞个电话出嚟睇吓时间，喺度冲紧咖啡嘅老板即刻叫我地闩机。吓鬼死，以为去咗军训。之后佢送咖啡过嚟我同佢讲唔好意思，佢话等紧同饮紧嘅时候唔可以用电话！我个心谂，你𠮶杯系圣水咩，使唔使用咁洁净嘅心情去等啊，其实隔离𠮶台嘅人都有用电话，但唔知点解系要针对我哋。算！饮完两杯咖啡即刻走人！虽然咖啡都算OK，但系过百蚊一杯仲要系啲咁嘅九流零素质服务，相信绝对有其他性价比高嘅好选择。