八妹雞煲

营业中

休息中

早几日返大埔同阿爸食晚饭，由于够爸未食过鸡煲，近近地系大埔同佢试下，选择左呢间八妹鸡煲。入到去见到啲装修系怀旧feel几得意，讲返主菜鸡煲，由于想试多几款野食，所以叫左半只，阿爸怕食辣，一问个伙记话有唔辣啱晒。个鸡煲好入味，但啲鸡仲仍然好滑，又唔肥，好正。食鸡煲既重点系之后既打边炉，我们叫左手切牛肉、鹅肠、墨汁墨丸、虾滑并墨鱼滑、炸鱼皮、唐生菜同猪腩片。手切牛肉超正，未食见到起晒雪花咁既牛肉已经知一定劲正，入口滑、有牛味，再吸埋鸡煲既汁，超正。而鹅肠系新鲜货，又唔肥，超爽口，好耐无食过咁好既鹅肠。墨汁墨丸入面有墨鱼粒，食落够爽口弹牙。而虾滑同墨鱼滑都好好食，食到虾既甜味。黑毛猪腩片唔肥，而且唔会太薄无野食，起码有一定厚度，吸左鸡煲同牛肉有得比并。总结，呢间系一间有水准既鸡煲，宵夜、晚饭非常值得再来。唔记得讲，饮品要左竹樜萝卜，清甜好味。