浜滝

营业中

休息中

自从两年半前搬左黎新蒲岗，行去九龙城系有点远，所以一直只限去九龙城广场饮茶至过黎，但一直都好想过黎发掘好味野，咁啱今日因为胃痛sick leave，想食的好少少又易消化既日本野，一揾就揾到浜滝，见佢午巿餐牌有花鱼烧定食，二话不说就决定过黎食，谂住食完就去睇医生。平时去日本，如果有烧鱼一夜干，我都一定会叫黎食，因为本身我钟意食鱼但又怕腥，系日本既寿司同烧鱼我至食到。上一次食烧鱼一夜干就三月响富良野滑雪场食既多线鱼烧一夜干，同多线鱼比较，因为不在日本，鲜味上系有少少输蚀，约一个马鼻，论整体系又香又厚肉，回味无穷啊，而且米系黎自我乡下系北海道，特别有亲切感，一定会再返黎食。