十六座車仔麵 (已結業)

今日谂唔到食咩就入左呢间装修得几靓嘅车仔面铺，店内员工服务都算系几好。一d普遍嘅𩠌呢到都基本上有齐，仲有好多新派嘅款式，连面都有好多拣，最后我拣左蝴蝶腩、鸭肾、牛舌、莞茜面加腩汁，再加杯豆浆，然后等左大约5分钟先有，面店嘅讲算慢。 先讲汤底偏淡味，而加钱转嘅莞茜面得好轻微嘅莞茜味，同平时d粗面分别唔大，牛舌够淋都几好食，鸭肾就一般但差咁d卤味，而呢个蝴蝶腩最令人激气，好似冇点炆过咁，又唔淋又唔爽唔知想点，食完之后成个碗边都系吐翻出黎咬唔开嘅渣，埋单57蚊，觉得呢间车仔面店卖点新派，但以性价比黎讲，同行有其他更加多好食嘅选择。