影片
更多
2021-08-03
3048 浏览
大佬之前同我都想试吓田舍家，不过上次心血来潮就咁Walk-in冇位，今次大佬订咗位，星期六食个Lunch。12:00准时喺预约时间到达，目测当时入席率唔够一半。接待员问我哋想坐房定大庞，都系窗口位置。见到房内只有两张台，而且空间感十足，所以我哋拣咗房内位置。不到一会，另一台客人都安排坐喺房内另一张台，仲不时大声高谈阔论，声线困喺房内，好嘈吵。当日选择咗以下两款午市套餐:-1. 鹅肝、活鲍鱼及美国牛肉套餐 沙律– 食材普普通通，配上日式酸醋同橄榄油，面有啲疑似绿色虾籽，卜卜脆嘅口感，都未尝唔系一款开胃前菜。 刺身– 有一只虾、赤身吞拿鱼同油甘鱼各两片。刺身品种唔太特别，不过都尚算新鲜，虾有应有嘅海鲜甜味，赤身肉是呈红色，肉质实而冇渣，鱼肉浓味适中。油甘鱼食落淡淡甘甜，鲜爽清新。煎鹅肝 - 鹅肝面香脆，内里系少少生，呢个程度系最好食，口感入即溶，鹅油带有浓郁香气恒久不散，配上既系伴碟又系酱汁嘅黑醋，完全唔会有油腻嘅感觉。汁煮活鲍 – 鲍鱼切片跟壳上，上面铺咗啲三文鱼籽，鱼籽粒粒饱满，”卜”一声鱼油满溢口腔，鲍鱼片厚薄恰到好处，酱油味算重，但系都不失鲍鱼鲜甜，不过略嫌有啲过熟，食
12:00准时喺预约时间到达，目测当时入席率唔够一半。接待员问我哋想坐房定大庞，都系窗口位置。见到房内只有两张台，而且空间感十足，所以我哋拣咗房内位置。不到一会，另一台客人都安排坐喺房内另一张台，仲不时大声高谈阔论，声线困喺房内，好嘈吵。
当日选择咗以下两款午市套餐:-
1. 鹅肝、活鲍鱼及美国牛肉套餐
沙律
– 食材普普通通，配上日式酸醋同橄榄油，面有啲疑似绿色虾籽，卜卜脆嘅口感，都未尝唔系一款开胃前菜。
刺身
– 有一只虾、赤身吞拿鱼同油甘鱼各两片。刺身品种唔太特别，不过都尚算新鲜，虾有应有嘅海鲜甜味，赤身肉是呈红色，肉质实而冇渣，鱼肉浓味适中。油甘鱼食落淡淡甘甜，鲜爽清新。
刺身
49 浏览
1 赞好
0 留言
煎鹅肝 - 鹅肝面香脆，内里系少少生，呢个程度系最好食，口感入即溶，鹅油带有浓郁香气恒久不散，配上既系伴碟又系酱汁嘅黑醋，完全唔会有油腻嘅感觉。
煎鹅肝
85 浏览
1 赞好
0 留言
汁煮活鲍 – 鲍鱼切片跟壳上，上面铺咗啲三文鱼籽，鱼籽粒粒饱满，”卜”一声鱼油满溢口腔，鲍鱼片厚薄恰到好处，酱油味算重，但系都不失鲍鱼鲜甜，不过略嫌有啲过熟，食落虽然算脆夹烟烟韧不过都有啲硬同有啲咬唔烂嘅感觉。
汁煮鲍鱼
37 浏览
1 赞好
0 留言
煎牛肉粒 –用铁板烧方法烹调，粒粒大细平均，嫌面煎得唔够香脆，不过一咬就肉汁四溅，牛味唔算突出，肉质软淋如绵花糖，配埋少少酱汁同啲冇香味嘅葱花，可互补不足。
铁板牛肉粒
33 浏览
1 赞好
0 留言
炒菜 – 一贯铁板烧嘅炒芽菜、椰菜同红萝卜丝，胜在芽菜干身冇出水。
炒饭 - 铁板烧式炒饭，不得不赞，色香十足，粒粒饭都呈金黄色，代表粒粒饭都有蛋浆包裹，食落有微微焦香，满满一碗饭里面夹杂住三文鱼同带子粒，口感丰富，不过味道偏淡。
面豉汤及渍物 – 面豉汤咸淡适中，上台到进食嘅时间都相隔5-10分钟，不过入口时油豆腐同海带都未软透。腌牛蒡同黄萝卜都好入味出色，反而腌昆布我就觉得有啲腥，但系大佬意见就OK。
炒饭、渍物、面豉汤
26 浏览
0 赞好
0 留言
甜品 – 牛奶布甸中规中矩，奶味唔够香浓，质地都软滑得嚟实净，口感好飘逸，甜度属中等，夹埋啲酸酸哋啫喱同迷你生果达到平衡。
牛奶布甸
48 浏览
0 赞好
0 留言
2. 特选怀石料理
前菜 – (冇介绍嘅情况下估计) 爽脆香甜多汁嘅生粟米一嚿仔夹杂啲豆、一嚿仔蕃薯、一粒红桑子、一件有肉嘅卷物同埋有一嚿疑似鱼肉嘅物体，呢个前菜令我觉得自己唔知食咗啲咩。
怀石前菜
22 浏览
0 赞好
0 留言
刺身 - 两款鱼类都疑似系鲷鱼，其中一款有烧过，食落有焦香，唔太肥，鱼味浓。另一款白色鱼肉似真鲷刺身，喺口中慢慢咀嚼时，清甜味在唇齿中流连忘返，鲜味突出。普普通通厚带子半件，反而似烤过嘅熟螺肉两小件有啲惊喜，螺味重而突出，口感鲜美软糯。
怀石刺身
19 浏览
0 赞好
0 留言
京烧银鳕鱼 - 腌味非常之平均，鱼肉虽然唔系鱼油满溢，不过尚属肥美，香滑鱼肉充斥甘甜嘅味噌焦香，中和了银鳕鱼的油腻感。
京烧银鳕鱼
20 浏览
0 赞好
0 留言
茶壶汤 – 清澈嘅昆布汤汁，加上青橘汁享用十分清新，汤内海鲜食材有带子同虾，仲有啲吸饱高汤嘅菇菌，咀嚼时都感受到高汤嘅味道。
茶壶汤
15 浏览
0 赞好
0 留言
天妇罗 – 食材分别系虾，虾头同虾身分开炸、莲藕片、茄子同粟米芯。 食感完全败笔，天妇罗粉浆炸出嚟又厚又硬，冇嚟味道。一啲应有嘅轻、脆、酥完全冇，件莲藕仲要湿淋淋黐住张纸，食到满嘴油腻，不论食材如何新鲜，都只可用难食嚟形容。而且天妇罗沾酱上台时已经落好萝卜蓉，唔系分开上，感觉好似唔太专业。
天妇罗
17 浏览
2 赞好
0 留言
铁板烧牛肉卷 – 牛肉片卷上啲蔬菜碎，酱汁味过浓，食唔到牛肉原身味道。
铁板牛肉卷
25 浏览
0 赞好
0 留言
炒饭、面豉汤及渍物 & 甜品 – 同上面个餐质素一样。
总括食物质素有参差，平均值都系一般，更称唔上物有所值，如果计埋个VIEW、餐厅环境同服务，个CP值都系低。每位服务员都有一股高高在上嘅态度。明白可能佢哋需要留意我哋食嘢进度去安排下一道菜上台，但系碟上面嘅食物都未食完 (非摆盆装饰)，就嚟要求收拾，而且有一种好似被监视同被催促感，但系到最后都系一堆头送上台，好似有一种叫你食快啲离开嘅感觉。
张贴
