影片
更多
2019-01-24
74 浏览
今日趁雷囡s返晒学，同我的可爱妹妹撑枱脚！难得的 #MeTime Lunch ,当然要食好啲啦！妹妹话想食上海野，我地就近近地搭左2个站去乐富广场嘅上海姥姥。贪佢就脚，食完仲可以湿平完先去接囡放学😆 完美用尽我的MeTime 🤣呢度环境干净，装修都唔错，墙上仲挂左好多疑似延禧攻略嘅挂画，张张得半个样，又几有格调，我钟意。延禧粉去食饭不妨集下邮🤣餐牌上面样样都想食，新春贺年菜样样都好吸引，价钱唔贵，唔慌大碟啦！唔洗谂，点菜时型左一句：「呢版吖唔该！」点知....哗哗哗！碟碟都好大碟😆😆 红枣雪梨茶：真材实料，有雪梨有红枣，绝非一般冲剂。饮得出好滋润，好温暖💕年年有余老坛酸菜鱼：真系超大盘，鱼略炸过，唔会一夹就散，肉又够滑。酸菜底味道啱啱好，酸辣度好啱我口味，唔似有啲酸到牙都软。辣味又刚好，唔算好辣，有dd花椒,轻微麻口。粉丝同豆皮好索味，好正👍🏻大红大紫小笼包：真系好红好靓，竟然系原粒带子，绝对足料👍🏻最正系个姥姥金汤全家福：超足料👍🏻汤够清甜，虾够新鲜，仲有大大条海参，口感刚好，唔会太淋又唔硬👍🏻 仲有蛋饺同百叶包。百叶包咬一啖就饱左...奉劝各位细食嘅朋友仔，share 就好喇，太足
难得的 #MeTime Lunch ,当然要食好啲啦！
妹妹话想食上海野，我地就近近地搭左2个站去乐富广场嘅上海姥姥。贪佢就脚，食完仲可以湿平完先去接囡放学😆 完美用尽我的MeTime 🤣
呢度环境干净，装修都唔错，墙上仲挂左好多疑似延禧攻略嘅挂画，张张得半个样，又几有格调，我钟意。延禧粉去食饭不妨集下邮🤣
餐牌上面样样都想食，新春贺年菜样样都好吸引，价钱唔贵，唔慌大碟啦！唔洗谂，点菜时型左一句：「呢版吖唔该！」点知....
哗哗哗！碟碟都好大碟😆😆
红枣雪梨茶：真材实料，有雪梨有红枣，绝非一般冲剂。饮得出好滋润，好温暖💕
年年有余老坛酸菜鱼：
真系超大盘，鱼略炸过，唔会一夹就散，肉又够滑。酸菜底味道啱啱好，酸辣度好啱我口味，唔似有啲酸到牙都软。辣味又刚好，唔算好辣，有dd花椒,轻微麻口。粉丝同豆皮好索味，好正👍🏻
大红大紫小笼包：
真系好红好靓，竟然系原粒带子，绝对足料👍🏻
最正系个姥姥金汤全家福：
超足料👍🏻汤够清甜，虾够新鲜，仲有大大条海参，口感刚好，唔会太淋又唔硬👍🏻 仲有蛋饺同百叶包。百叶包咬一啖就饱左...奉劝各位细食嘅朋友仔，share 就好喇，太足料🤣🤣粉丝又系主角，好索好味👍🏻
吉祥平安八宝饭：
啱晒做甜品，唔好睇佢细细份，劲足料超饱,桂花琉璃汁，好晶莹好靓😍
2姊妹成枱野食左四百几，大满足。出左名唔嘥野，劲惜食嘅雷囡妈妈，当然会打包返屋企同家人分享继续食啦😆😆
张贴
