影片
更多
2018-10-27
5161 浏览
由细到大都觉得饮茶同晚饭好似无咩关系，一盅两件似乎系周末先会同同屋企人食，但今次就要带大家去一间好适合同屋企人或者朋友随时随地饮茶既餐厅。呢间餐厅系尖沙咀既一间酒店既3楼，地下大堂既装修好得意好多影相既位置，不妨停低欣赏下。上到3楼出电梯就见到一个开放式厨房，餐厅入面有一种中西合璧既感觉，枱面既餐具好有中国画个种清雅瑰丽，但餐牌上面又有一种西方涂鸦既有趣玩味。除左餐牌既设计好得意之外，餐厅部分既菜式改左啲好搞笑既名，为饮茶呢件咁怀旧既事增添左一份新潮既感觉。适逢近期系南瓜节，餐厅以搞怪造型设计左一系列点心，我地同班饿底朋友叫左其中两款试试，连埋其他点心一共嗌左十款食物，系介绍完个茶之后再同大家推荐几款唔可以错过既点心。餐厅一共提供左五种茶俾大家选择，我地个日就拣左红枣红袍（红茶），建议大家将茶叶浸泡一阵先饮用，咁样红枣味会突出啲，饮落有红枣既香甜味而又能够带出茶叶既甘香。讲下我地叫左咩野食先，分别系皮蛋豆腐、手抓煎饼、睇住流奶（流沙奶皇包）、蟹籽烧卖、炒虾肠粉、辣蚁粉丝、椒盐胡须（炸鱿鱼须）、松露炆伊、虾灵入眼（虾饺）同蝙蝠云吞（炸云吞）。👧🏻觉得最值得推介既就系睇住流奶、辣蚁粉丝、椒
呢间餐厅系尖沙咀既一间酒店既3楼，地下大堂既装修好得意好多影相既位置，不妨停低欣赏下。
上到3楼出电梯就见到一个开放式厨房，餐厅入面有一种中西合璧既感觉，枱面既餐具好有中国画个种清雅瑰丽，但餐牌上面又有一种西方涂鸦既有趣玩味。除左餐牌既设计好得意之外，餐厅部分既菜式改左啲好搞笑既名，为饮茶呢件咁怀旧既事增添左一份新潮既感觉。
适逢近期系南瓜节，餐厅以搞怪造型设计左一系列点心，我地同班饿底朋友叫左其中两款试试，连埋其他点心一共嗌左十款食物，系介绍完个茶之后再同大家推荐几款唔可以错过既点心。
餐厅一共提供左五种茶俾大家选择，我地个日就拣左红枣红袍（红茶），建议大家将茶叶浸泡一阵先饮用，咁样红枣味会突出啲，饮落有红枣既香甜味而又能够带出茶叶既甘香。
讲下我地叫左咩野食先，分别系皮蛋豆腐、手抓煎饼、睇住流奶（流沙奶皇包）、蟹籽烧卖、炒虾肠粉、辣蚁粉丝、椒盐胡须（炸鱿鱼须）、松露炆伊、虾灵入眼（虾饺）同蝙蝠云吞（炸云吞）。👧🏻觉得最值得推介既就系睇住流奶、辣蚁粉丝、椒盐胡须同松露炆伊。🤤
👧🏻由细到大都好中意食奶皇包，所以对奶皇包既要求好高，「睇住流奶」一上枱我地就已经俾佢可爱既造型深深吸引，内馅既蛋黄味香浓，唔系用吉士粉开出黎既浆，而且最惊喜系个包就算放左一阵都仲好爆浆，各位朋友仔食既时候要小心热呀😝
辣蚁粉丝即系「蚂蚁上树」，粉丝好入味而且炒得干身，唔会一大堆好难夹，微辣的粉丝超惹味，重口味既朋友仔可以试下😋
椒盐鱿鱼须又系另一必食推介，每条鱿鱼须既份量都差唔多大过我只手指，薄薄既脆浆包著嗒嗒鱿鱼肉，中意食海鲜既朋友仔一定会觉得满足呀😆
最后，松露炆伊无咩特别既配料，配菜只有杂菇同毛豆，但伊面既质地煮得啱啱好，加上每一嗒都食到既松露香气，令平平无奇既伊面变得出色，不过略嫌油既份量比较多😙
每次都会透过以下6大方面评分(满分:30分)
味道 : 3.5 / 5
环境 : 3.5 / 5
外观 : 3.75 / 5
价钱 : 2.5 / 5
服务 : 3 / 5
回头率 : 3.5 / 5
总分 : 19.75 / 30
性价比
一盅两件相信系唔少人假期中意既活动，呢间店舖提供左多一个选择俾大家夜晚都可以叹到一盅两件，虽然价钱比较贵，但店家既创意另传统既事物变得有新意，而且佢地部分点心既造型非常可爱，绝对适合影相呃like呀😊
张贴