baby café (已結業)

带住BB食饭，真系有好多野要留意𠺢！要有BB凳啦，要安全啦。。。6点3左右来到，有位。我地要个位阔落，放到BB车的，侍应带左我地去个角落位 。本来想叫羊扒的，但已经叫左猪同牛扒，我就转左叫蓝青口。上菜速度好快，餐汤系黑松露菌汤再加个牛角包。个汤味唔系太浓，牛角包就死死实实咁。餐沙律最赞，用左胡麻酱，有鸡丝，蕃茄仔同沙律菜 其实个餐仲有个蟹肉多士，但食唔出蟹肉味，啲fd仲话似虾干，笑屎我。而且个多士硬左少少。主菜蓝青口，唔知系我太迟食定本身唔多热。我觉得冻左，无咁好食了。而且啲青口好细。另一个主菜，黑豚鞍。display好靓，但食起来，好"鞋"。个汁就ok ge。 下面垫左啲烧蔬菜，都几健康。仲有个龙虾仔配和牛，无乜特别，我净系食左一嚿牛扒je。最后有木槺布甸，BB食唔停口 。都唔知真好食定钟意食甜品。间野的display系几靓的，价钱都合理，但就唔算得上好食。