影片
更多
2021-08-10
2873 浏览
JK Brother本身我哋都已经嚟过一次，第一次俾我哋感觉唔错，又有海鲜又有小食仲有牛肉都约抵食，所以今次都即兴再嚟食多次，不过第二次俾我哋嘅感觉就唔系咁好啦😔今次我地book咗5点，我哋大约四点十左右到，一出lift，等lift嘅位置非常细，所有人都迫埋同一个空间入面，根本都出唔到lift，我哋多口问句点解唔入得去嘅，其他人同番我地讲侍应同佢哋讲未够钟唔入得去，现场嘅人都开始有少少鼓燥，毕竟疫情底下要大家身贴身等位，的确有啲唔系咁好。最后其他人同返侍应讲我哋出边嘅情况，最终都俾我哋餐厅入面等入位（等够5点比我地入去）。未入未入去食，俾我哋感觉已经唔系咁好啦🥺至于牛肉方面，我哋今次嗌左 【美国Prime牛板腱 $248 （7点前离座价钱）】，肉质唔算嫩滑，有少少干身，我哋望到隔离枱另一款【美国谷饲肥牛 $218 （7点前离座价钱）】 ，牛肉嘅脂肪嘅占比例都几高，应该有7:3左右，不过我哋都唔太好牛肉嘅脂肪，所以都好彩冇拣到呢款🥶牛肉头两盘都唔错，但去到后面refill质素开始下降，可能因为厨房解唔切冻，嚟到都仲系硬梆梆成旧牛肉，碌熟咗之后都有浸雪藏味🥶至于海鲜方面，呢次嘅海鲜直头令我
今次我地book咗5点，我哋大约四点十左右到，一出lift，等lift嘅位置非常细，所有人都迫埋同一个空间入面，根本都出唔到lift，我哋多口问句点解唔入得去嘅，其他人同番我地讲侍应同佢哋讲未够钟唔入得去，现场嘅人都开始有少少鼓燥，毕竟疫情底下要大家身贴身等位，的确有啲唔系咁好。最后其他人同返侍应讲我哋出边嘅情况，最终都俾我哋餐厅入面等入位（等够5点比我地入去）。未入未入去食，俾我哋感觉已经唔系咁好啦🥺
至于牛肉方面，我哋今次嗌左 【美国Prime牛板腱 $248 （7点前离座价钱）】，肉质唔算嫩滑，有少少干身，我哋望到隔离枱另一款【美国谷饲肥牛 $218 （7点前离座价钱）】 ，牛肉嘅脂肪嘅占比例都几高，应该有7:3左右，不过我哋都唔太好牛肉嘅脂肪，所以都好彩冇拣到呢款🥶
牛肉头两盘都唔错，但去到后面refill质素开始下降，可能因为厨房解唔切冻，嚟到都仲系硬梆梆成旧牛肉，碌熟咗之后都有浸雪藏味🥶
至于海鲜方面，呢次嘅海鲜直头令我哋好失望😭我地捞咗啲圣子同埋蚬，但食落其中几只都好臭好腥，直头有阵尿压味，食到对筷子都好臭，顶唔顺换过对。食到呢头，真系无乜心机食埋落去。。本身谂住熟食可能会好啲，嗌咗个熟蚝试吓，但点知都系好臭🥺🥺我谂海鲜呢到真系麻麻地。。
不过唔系全部海鲜都咁麻麻地嘅，我地试咗个酱油鲍鱼，的确几入味，口感都烟韧弹牙，都几值得一试👍🏻
另外亦试咗佢地啲甜品，芝士挞同奶黄牛角包都几唔错😍芝士挞芝士味好浓郁，芝士饀好creamy！奶黄牛角包都几特别😂食到入面真系食到啖啖奶黄味😆两样野出到黎仲好热辣辣，真系唔错✌🏻
总扣黎讲，我觉得JK Brother熟食方面系做得出色过佢地主打嘅海鲜同牛肉嘅🤔不过都可能因为我今次黑仔啦，食亲嘅都已经臭咗，所以如果净系旨在食海鲜同牛肉嘅朋友可能就要谂谂啦😟
至于佢地嘅卫生环境我就要有所保留啦，小编我拎咗个杯同埋佢地个汤羹，但见到仲系好多渍，好明显就系未洗干净🤢另外仲见到有只细曱甴痴住系小编隔离啲墙罅位，真系好唔开胃。。再加上无啦啦饮饮吓野见到有只野飞咗落杯野到。。
张贴
