影片
更多
2024-02-19
2406 浏览
巧合要入一转大围，顺便试下有咩地道美食，网上揾到呢处食店，一家大细帮衬，铺面得一个年约55瘦身材卷曲发阿婶，讲野细声＋乡下音＋尖酸刻薄用词。叫咗个1号组合；手撕鸡肠粉＋粢饭。同5号组合；烧卖鱼蛋肠粉，加埋共76蚊。第一次无睇食评帮衬，感觉都唔平，不过唔紧要，可能味道好食呢。等咗好耐，只系得一盒手撕鸡肠粉同一盒烧卖组合……76蚊？！！我即刻问阿姐：我个粢饭呢？阿姐：我无计你粢饭钱呀，你系唔系要呀？要就俾钱。（大佬！我唔要嘅话点解一开始落单要同你讲要呢？你系唔系撞聋？）唔紧要，小朋友可能肚饿，嚟一个呀。又俾多二十几蚊买个粢饭。阿姐鬼食泥咗一下。我问：我粢饭呢？阿姐：头先咪讲咗啰，自己攞！（阿姐，你鬼食泥边有人听到你讲乜春泥）返埋位，样样试下，味道嘛嘛，无咩特别，但系偏贵，街坊觉得好食＋抵食？再睇睇价钱牌，点计都唔明呢3样嘢用咗我94蚊，我问阿姐，阿姐仲要话烧卖拼盘唔系呢个价钱呀。算，一个经验，好彩唔系倾家荡产，不过个阿姐有料，可以令到大家都记得佢。呢间店睇嚟都好极有限
我即刻问阿姐：我个粢饭呢？
阿姐：我无计你粢饭钱呀，你系唔系要呀？要就俾钱。
（大佬！我唔要嘅话点解一开始落单要同你讲要呢？你系唔系撞聋？）
唔紧要，小朋友可能肚饿，嚟一个呀。又俾多二十几蚊买个粢饭。阿姐鬼食泥咗一下。
我问：我粢饭呢？
阿姐：头先咪讲咗啰，自己攞！
（阿姐，你鬼食泥边有人听到你讲乜春泥）
返埋位，样样试下，味道嘛嘛，无咩特别，但系偏贵，街坊觉得好食＋抵食？再睇睇价钱牌，点计都唔明呢3样嘢用咗我94蚊，我问阿姐，阿姐仲要话烧卖拼盘唔系呢个价钱呀。
算，一个经验，好彩唔系倾家荡产，不过个阿姐有料，可以令到大家都记得佢。呢间店睇嚟都好极有限
张贴