雄記粉麵 (已結業)

今日同老公睇完戏之后个肚有少少饿，行到去出名多嘢食嘅路德围睇下有咩好食，见到呢间粉面店就一心入去食个面。一入到去见到佢餐牌嘅选择好多都有鱼肉春卷，系差不多每款都会有鱼肉春卷，原来系好出名嘅。本身我身我个心系想食牛筋米嘅，但佢写住单叫牛筋米系要四十几蚊，如果连埋鱼肉春卷就只要31蚊，咁我见横掂个鱼肉春卷咁出名就试下啦，咁就叫左个鱼肉春卷牛筋米。加一碟通菜，同一杯豆浆。先黎到个米粉见到条鱼肉春卷超长，牛筋有2件，汤底好深色。一饮个汤底，味道唔太浓，冇咩牛味，反而有好重味精味。条鱼肉春卷系完全冻嘅、同埋好油，好硬。牛筋出奇有好甜嘅味道，食落去好怪嘅感觉....通菜15蚊一碟但超细碟，得几条菜...豆浆亦饮得出佢系买返黎嘅。呢间野价钱算贵又唔好食，下次唔会再黎。