漁匠屋

营业中

休息中

父亲大人最近迷上左鱼生饭，上次向元朗食左间佢唔太满意，今日一家四口黎到屯门。因为担心好长龙所以预先订左枱，黎到发现今日都唔多人，等一张枱走就有得入啦。本身想食三国海胆丼，见到呢个秘传既海胆鲭鱼丼就决定不如唔好食咁寡。点餐后送上冷砵烟熏芝士同白昆布汤，师传话要食左芝士先。坦白讲芝士虽然几特别，不过味道唔算突出，个人认为味道淡左少少。白昆布汤相对出色，清甜得黎又唔会觉得太淡，昆布亦都几好食，烟烟韧韧几得意。秘传海胆酱烧鲔鱼丼，师傅话唔洗落豉油，个汁酸酸咸咸都几开胃，烧过既鲔鱼微暖，食落都好肥美，连饭食就唔会太腻。不过略赚海胆份量太少，同平啲既壹重丼份量相若，但壹重丼仲有好多其他鱼生，所有有少少失望。不过系果句讲果句，呢度既日本海胆好新鲜，浓郁甘甜。下次都系唔好三心两意，直接食三国海胆丼算了。加$12就有白桃乳酸梳打紫薯甘粟饼，热辣辣，好味道。三重丼，$148。一重丼，$198。