影片
更多
2009-08-18
23 浏览
呢次系小妹第一次写食评, 因为呢间餐厅压倒性好评, 觉得应该要有另一种声音, 否则人人好似我o地咁, 食完先觉名不符实!!我生日, boyfriend 同我去庆祝.坦白讲, 无呢度 D 食评讲得咁好, 如果每位 about $500- 系咁o既水准, 我宁愿用去 C’est Bon, 水准高出唔只一倍!! (即使 C’est Bon 已经不复当年勇...)逐样讲 : --Welcome Drink -- 草莓特饮(Okay o既, fruit punch 咁啰!!)Entrée -- 香煎法国鹅肝拌青苹果黑醋汁(鹅肝太熟, 开始变 “膶”, 但我见呢度 D 相都唔系咁熟o既, 咁系咪我唔好彩?!?! 而且我食落去觉得好似炸咁o既 feel. )Soup -- 西兰花忌廉汤(汤系 okay o既, 但 D 餐桌黑椒走晒味, 应该换个即磨樽同原粒黑椒.)Salad -- 澳洲杂菜松子沙律(我 bf 钟意个汁, 但我个人口味钟意清淡, 所以嫌 D 汁酸得滞. 重有 D 菜唔系顶级新鲜, 只系一般新鲜 ---- 当你食过顶级新鲜o既沙律菜, 你就会开始有要求...)Refresh -
我生日, boyfriend 同我去庆祝.
坦白讲, 无呢度 D 食评讲得咁好, 如果每位 about $500- 系咁o既水准, 我宁愿用去 C’est Bon, 水准高出唔只一倍!! (即使 C’est Bon 已经不复当年勇...)
逐样讲 : --
Welcome Drink --
草莓特饮
(Okay o既, fruit punch 咁啰!!)
Entrée --
香煎法国鹅肝拌青苹果黑醋汁
(鹅肝太熟, 开始变 “膶”, 但我见呢度 D 相都唔系咁熟o既, 咁系咪我唔好彩?!?! 而且我食落去觉得好似炸咁o既 feel. )
Soup --
西兰花忌廉汤
(汤系 okay o既, 但 D 餐桌黑椒走晒味, 应该换个即磨樽同原粒黑椒.)
Salad --
澳洲杂菜松子沙律
(我 bf 钟意个汁, 但我个人口味钟意清淡, 所以嫌 D 汁酸得滞. 重有 D 菜唔系顶级新鲜, 只系一般新鲜 ---- 当你食过顶级新鲜o既沙律菜, 你就会开始有要求...)
Refresh --
时果雪芭
(我o个日唔知系咪桑莓雪芭呢? 入口好多渣. 同意其他食家话好 “清”, 我谂青柠会好 D.)
Main Course --
镬煎澳洲羊架配薄荷芥末汁
(好普通!! 咁o既水准我唔会用呢个价钱去食!! 我自己整得好过佢!! )
炖和牛脸珠肉配胡椒酱
(好腍, 好入味... 但用高压煲焖就做到呢个效果啦... )
Homemade Dessert --
朱古力心太软配香草冰淇淋
(心太软系 okay o既, 而且佢o地好有心思咁插上一支幼蜡烛同我讲 “Happy Birthday”. 但问题就o系呢度 -- D 朱古力软心热溶o左支蜡烛插o系饼里面 D 蜡, 咁我咪即系要食蜡?!?! 呢样真系唔好再做喇!!!)
法式脆糖炖蛋
(好差!! 我真系未食过咁差o既焦糖炖蛋!! “好彩海鲜酒家” 整得好食过佢!!)
Tea --
花果茶
(我个人唔钟意呢种茶... 而且, 点解无得拣咖啡呢?? )
Service --
好有效率, 好主动. 但我个人感觉系 : o个日又唔系多客, 佢o地又唔系咁忙, 但见到佢o地行路好似冲锋咁, 觉得无晒情调.
环境、装修 --
好好!!! ...... 所以咪觉得 D waitress 打冲锋破坏气氛啰!!!
总结 --
如果系客人自己定价, 我会愿意花 $150-$200 去食呢餐.
张贴