影片
更多
2010-07-18
7 浏览
早前从杂志得知，星加坡文华酒店主理海南鸡饭既大厨响香港创业，将星加坡美食带黎香港，一睇不得了喇，话说十几年前亲身试过星加坡文华酒店既海南鸡饭，当中既美味至今未忘，咁多年一直都未揾到其他海南鸡饭可以替代佢既地位，而家香港食到？雀跃非常！夜晚9点多到逹，仲有超过10位客人既人龙，为左品尝质素高既食物，等30分钟唔算系等啦！餐牌内全部都系星加坡特式食品，例如炒萝卜糕、参巴酱魔鬼鱼、娘惹炒菜、肉骨茶等等。仲有提供汤类，本想试酸梅咸菜鸭汤，可惜汤类系每晚限量发售，卖完即止，只剩黑豆鸡脚汤可选择，兴趣不大，惟有放弃！ 海南鸡饭 (可加 $10 蚊转鸡肶)：无论鸡肶或其他部位，本身己将鸡骨起清，为试其真功夫，所以无选鸡肶。除鸡胸有好轻微既嚡外，其他部位既鸡肉算嫩滑，但就毫无鸡味。而姜蓉、黑豉油等唔可忽视既酱料，竟然味道不足，何解？ 至于另一主角鸡油饭，味道还可以，但个人认为太干身，饭散唔滑溜亦无鸡油香味，真系好失望！稍有惊喜既系皮蛋慕丝，表层有淡淡既皮蛋香味，内层嫩滑有椰香，送饭或甜品皆可！ 海鲜喇沙：海鲜够新鲜，有带子及中虾，再配上鱼片。汤底略嫌过浓及偏咸，若再用辣酱会更加咸。用左类似米粉既白幼面
夜晚9点多到逹，仲有超过10位客人既人龙，为左品尝质素高既食物，等30分钟唔算系等啦！
餐牌内全部都系星加坡特式食品，例如炒萝卜糕、参巴酱魔鬼鱼、娘惹炒菜、肉骨茶等等。仲有提供汤类，本想试酸梅咸菜鸭汤，可惜汤类系每晚限量发售，卖完即止，只剩黑豆鸡脚汤可选择，兴趣不大，惟有放弃！
海南鸡饭 (可加 $10 蚊转鸡肶)：
无论鸡肶或其他部位，本身己将鸡骨起清，为试其真功夫，所以无选鸡肶。
除鸡胸有好轻微既嚡外，其他部位既鸡肉算嫩滑，但就毫无鸡味。而姜蓉、黑豉油等唔可忽视既酱料，竟然味道不足，何解？ 至于另一主角鸡油饭，味道还可以，但个人认为太干身，饭散唔滑溜亦无鸡油香味，真系好失望！
稍有惊喜既系皮蛋慕丝，表层有淡淡既皮蛋香味，内层嫩滑有椰香，送饭或甜品皆可！
海鲜喇沙：海鲜够新鲜，有带子及中虾，再配上鱼片。汤底略嫌过浓及偏咸，若再用辣酱会更加咸。用左类似米粉既白幼面条，浸耐左依然爽口。感觉呢碗喇沙仍然得失去左灵魂，因为尚欠一重要主角，就系蛳蚶，无蛳蚶既喇沙，对我而言唔算系合资格既喇沙！未食过加东既喇沙，可以话佢好味，但我唔系罗！
环境：靠窗位可享游艇会同避风塘海景，其他大部份座位较迫。
服务：做到一般水平。
总括：无谂住要坐得舒服或享受豪装，纯粹为好味既食物而去，终失望而回！仍然怀念新加坡文华酒店既海南鸡饭，都系旧野有味道 d！
张贴
