江戶前日本料理 (已結業)

开头以为系食江户前寿司，原来只系用个名咋，都系食一般寿司同面类、小食，佢同沙嗲王系同一集团，感觉有点相似！未试过呢间所以想试，食完觉得……如果贪平，就可以试佢推介嘅特大三文鱼寿司，只需$15.8就有一客。是次点咗：1.特大三文鱼寿司~真系好长，够新鲜，抵食！2.海鲜蒸旦~d旦入面唔知落咗咩，味道好重，麻麻地好食！3.海胆&粟米手卷~饭好多，海胆味道还可以，$28真系几抵，粟米都要$9，紫菜就一d都唔脆，里面冇其他配料如青瓜，感觉上有点儿寡！纯饱肚之作。4.赤虾刺身~原只上枱一件$15,卖相得但唔够冻，可能唔新鲜啦！！5.杂锦天妇罗~有虾、南瓜、茄子、青椒、莲藕，竟然有鱼好奇怪！脆䊢粉落得太少，唔多似天妇罗，味道就可以嘅，佢用咗姜蓉伴萝卜蓉反而over咗，唔系好夹！所以个汁都唔多掂！6.牛肉拉面~声称系辛辣血池汤，但其实只系猪骨汤上面加咗d辣椒就算，咁佢应该说明系加辣，而唔系用两种汤底(猪骨汤或辛辣血池汤)嚟混淆客人！汤底又唔热！7.蟹籽沙律冷面~沙律酱好少，以为清成咁，原来仲有d冷面汁喺面底，唔知就变咗系开头冇味但食到底先有味啰！如果个汁系另上会好好多！虽然预咗两个人会坐得迫，但真系好