蟹點

营业中

休息中

呢轮特别多送别好友，朋友话去英国前想食D 大排档feel 嘅餐厅，比我search 倒原来鸭脷洲西邨街市嘅蟹点，好出名食胡椒蟹，仲同时有泰国菜粤菜同潮洲菜！咁多选择一于去试下啦！ 餐厅都好大，座位濶落人流都几多！点左有蟹嘅菜式仲有围裙同即弃手套提供！又几细心！招牌白胡椒蟹 $498 名不虚传嘅招牌白胡椒蟹，超巨型嘅蟹大约有一斤重，原只放喺铁板上枱，店员立即淋上白胡椒酱汁！吱吱声又超级香！难怪枱枱都点蟹！酱汁非常惹味，香辣而唔油腻，包著啖啖鲜甜肥美嘅蟹肉真系超！级！好！味！推介！ 👍👍👍👍 👍  🌶️泰式：金不换炒花甲 $98 金不换同花甲原来好夹！配料同香料特多，花甲新鲜爽甜！值得一试呢个组合！ 🦑 潮洲菜：鹅件并墨鱼 $168 见倒有潮州菜立即想食鹅！鹅肉卤得好入味，鹅肉香浓软嫩，肥瘦适中而且份量非常多！墨鱼爽口弹牙！虽然系点双并原来下面仲有豆腐同花生!🍜粤菜：豉油皇炒面 $78 去亲大排档必点豉油皇炒面 ！最容易嘅菜式最考功夫！豉油味香，炒面干身唔油腻，呢度嘅炒面简直满分💯