詠藜園四川菜館 (已搬遷) 新店位置

好好好耐冇去食过，记得第一次食系去黄埔分店食，今次系首次踏足本店食午餐，果然冇令人失望。水准超班，重点系价钱好抵食，2个人4碟𩠌都系120蚊，今时今日都几难揾。去咏藜园当然要试一下担担面。可惜自己唔食得太辣，唯有叫走辣啦...汤底其实几清，不过面条幼身又好爽滑，冇煮过时，啱晒我口味，正。都唔错嘅仲有过桥水饺。个人一直都比较钟意食云吞，无他，街外的水饺皮大都厚过你同我块面皮，又粉又难食。呢度好在皮薄馅正，而且细细粒两啖一口，食唔停口。最后撞正2点半下午茶时间，趁抵于是再叫多一个客豆沙锅饼。见到师傅厨房即炸，豆沙唔过甜，饼皮好脆。有机会一定再试。