影片
更多
2010-12-05
146 浏览
9月30日, 喺沙田行咗一轮, 夜晚再选择食驰名鸡粥~ 讲起沙田, 最出名嘅鸡粥真系无人不识, 但系点解咁出名, 就未必人人都知~ 就好似我地咁, 都系第一次慕名而来, 喺搜寻之下, 都有几多间食店以沙田鸡粥为招来, 咁我地就拣咗嚟大围嘅强记~::: 鲍鱼鸡粥 ::: $30招牌鸡粥配上鲍片, 看上去平平无奇, 白晒晒嘅粥, 鸡肉同埋鲍片都好似好清好淡… 不过, 食一口粥就发觉金玉其中! 绵绵粥底嘅鲜甜味好天然, 完全唔似有落味精, 再加上少少鲍鱼片吊下味, 令味道更加突出! 虽然鲍鱼系罐头鲍, 但系食落好似有腌过, 有d味~ 反而鸡有味但系肉地比较嚡口, 旧旧都系鸡胸肉, 俾鸡背肉就会好d~ ::: 红烧乳鸽 ::: $45除咗鸡粥外, 我地都好想食乳鸽, 红烧比卤水好系因为食得到佢烧出嚟嘅香脆, 更加香口~ 呢度嘅乳鸽比较大只, 以致肉质比较实, 亦比较韧… 烧出嚟亦唔算好香, 可能一早烧咗叫先番一番热… 我地都系钟意食bb鸽多d, 不过$45有咁大只都ok嘅, 总括只系麻麻地…::: 啫啫田鸡煲 ::: $65另外叫咗个煲仔菜, 惊喜地呢个啫啫田鸡煲好好味! 啫啫煲一上枱仲有’啫
::: 鲍鱼鸡粥 ::: $30
招牌鸡粥配上鲍片, 看上去平平无奇, 白晒晒嘅粥, 鸡肉同埋鲍片都好似好清好淡… 不过, 食一口粥就发觉金玉其中! 绵绵粥底嘅鲜甜味好天然, 完全唔似有落味精, 再加上少少鲍鱼片吊下味, 令味道更加突出! 虽然鲍鱼系罐头鲍, 但系食落好似有腌过, 有d味~ 反而鸡有味但系肉地比较嚡口, 旧旧都系鸡胸肉, 俾鸡背肉就会好d~
::: 红烧乳鸽 ::: $45
除咗鸡粥外, 我地都好想食乳鸽, 红烧比卤水好系因为食得到佢烧出嚟嘅香脆, 更加香口~ 呢度嘅乳鸽比较大只, 以致肉质比较实, 亦比较韧… 烧出嚟亦唔算好香, 可能一早烧咗叫先番一番热… 我地都系钟意食bb鸽多d, 不过$45有咁大只都ok嘅, 总括只系麻麻地…
::: 啫啫田鸡煲 ::: $65
另外叫咗个煲仔菜, 惊喜地呢个啫啫田鸡煲好好味! 啫啫煲一上枱仲有’啫啫’咁声, 香气扑鼻! 食落热辣辣, 材料够大堆头亦好新鲜, 除咗有田鸡之外, 仲有猪润同干葱~ 田鸡份量好多, 咬落都几爽口入味, 唔错唔错! 而更有惊喜嘅系猪润~! 真系十分新鲜, 配上献汁更加爽口味道更浓郁! 好怕一d茶餐厅嘅啫啫煲用上霉嘅猪润, 又淋又有腥味… 可能呢度平时有卖开猪润粥, 所以佢地嘅猪润流量大d, 会新鲜d~ 推介!
食完沙田鸡粥感觉系满足, 如果仲有番d以前大排档feel会仲好添~ 睇到有咁多间沙田鸡粥, 下次都可以再试下第二间~
张贴
