嘉寶漢堡 (嘉寶大廈)

营业中

休息中

今日夜晚经过光辉围，一直都知道嘉宝汉堡好出名，就顺便试吓系咪真系咁好食！叫咗两个汉堡包同一块薯饼，准备点餐嘅时候发现原来汉堡包可以转做菜包。我觉得可以食得健康啲，又低卡路里啲，所以就试吓！总共叫咗两个分别系impossible素肉芝士汉堡(转菜包)同脆薯牛堡。晚饭时间就太多人等咗20 分钟左右终于可以拎了！返到去一打开觉得转咗菜包嘅汉堡包造型都几特别🤣上下都包住好几块生菜，一啖咬落去生菜中和咗汉堡扒嘅油腻感，感觉轻盈好多！呢个汉堡扒系素肉但无论质感定味道真系做到好似真嘅汉堡扒咁，好好食！脆薯牛堡都好食，即使有块炸薯饼喺度都唔会觉得好油腻，味道啱啱好，汉堡扒都好Juicy。薯饼就冇乜特别，同平时食开快餐店薯饼差唔多。