Yadllie Plate 야들리애플래이트 (兆萬中心)

好耐无食过韩国炸鸡，虽然韩国炸鸡店开得愈来愈多，但呢间炸鸡系OpenRice既排名远远超过其他既炸鸡店，衬住假期前夕，就一于黎试下呢间热门炸鸡店啦😋😋等老公放工要7点先食，惊住会好多人，早左少少去拎位，点知都唔洗等，直接就有位喇。不过一路食就愈来愈多人等位，所以建议都系食早少少，6点半前都可以随时入座😋叫左呢个牛扒拼原味炸鸡，牛扒系用铁板上，黎到仲热辣辣👅不过牛扒比较薄，所以放系铁板一阵就好快熟晒，建议大家如果叫既话，牛扒要尽快食左先，以免过熟🤭炸鸡调味唔算太咸，炸得岩岩好，仲有肉汁唔会太干🤩而且鸡唔会有好厚既炸粉，食落唔腻👍🏻👍🏻另外再叫左韩式酱油无骨鸡。无骨鸡比起原只炸鸡更滑，应该用左鸡脾肉，食落超多肉汁，岩岩上菜果时岩岩炸起，超热又多汁，加埋酱油香，果然系名不虚传既炸鸡店👍🏻👍🏻👍🏻食左咁多炸野，叫返个沙律🥗平冲下先，沙律菜好新鲜，配合埋柠檬🍋汁立刻无晒炸鸡既罪恶感🤤🤤不过份量就唔算太多。