銓滿記餐廳小廚 (已結業)

天气寒冷当然要食煲仔饭羊腩煲腊味糯米饭同埋蛇羹，今晚决定投煲仔饭一票。油麻地落地铁谂住去庙街食，点知4档煲仔饭都超长龙，于是谂住行落旺角，沿途边度有就边度食，结果竟然要行到朗豪坊先有，不过好彩呢一间系好食嘅。煲仔饭竟然有套餐，叫咗润肠黄鳝煲仔饭，包一个小盅上嘅例汤，再跟一碟菜。个例汤都几正，好足料。润肠黄鳝煲仔饭嘅黄鳝好大旧，润肠都好好，有润肠应有嘅香味，而且唔会太肥，个煲仔饭勉强有少少饭焦，如果可以多啲会更正。