Master Kama (已結業)

早前我的同事话我知呢排有间龙虾主题餐厅好正同埋价钱合理， 我在铜锣湾附近翻工，由于lunch太赶所以我选择收工后前来一试呢间龙虾餐厅。 我7点半左右去到，已经要等位啦，果然名不虚传。 好彩我系自己一个人收工来试，所以等左10分钟好快就安排我入座。 （ps. 门口有张好大嘅龙虾贴纸墙好靓，建议女士们可以上来影张靓相！！） 餐厅主要以简约为主题，给我的感觉很温馨，不像是吃龙虾这种高档食物嘅地方。 今次我除左龙虾之外仲想试试海胆饭，因为我同事极力推荐，可惜店员话当天的海胆卖嗮建议下次book台预留海胆。甘好啦，我就嗌左龙虾包同埋龙虾玉子烧试。 个龙虾包唔错，龙虾肉面头一层，入面仲有一层！！！仲有个大钳肉，成个包无论汁同龙虾肉我都几满意，之后个包仲会跟薯条同沙律菜， 个薯条我觉得无咩特别，沙律菜几新鲜带小小酸，好开胃 之后个玉子烧我第一眼就见到印有黑色logo，几特别。食落去都好有蛋香，味道偏甜，切落去仲有小小蛋汁流出黎，唯一可惜的是龙虾肉不算太多，不过呢个价钱都算系甘。 当我一个人食完觉得不算饱。建议如果同朋友两个人来，加多个主食会好D。