陵發潮州白粥 (已結業)

睇完"宵夜" 先知原来太子有间老字号潮州野，特登黎朝圣，觉得香港人点都要试一试😂😂蚝仔粥如图，d 蚝仔好肥美，汤底带鱼汤香味，唔系死咸，好鲜甜好食。拼盘份量好足，鹅肠肥美弹牙，墨鱼够稔有鲜味。猪红唔易散，沙爹汤香浓，微辣惹味。鹅片肉质嫩滑，有鹅香，下面嘅豆腐花生都全部无得留底。蚝饼嘅蚝仔都系一样肥美，但炸得有点油，唔够脆，唔知用咩蛋，但系食唔出鸭蛋香味，我比较喜欢庙街个间。不过有朋友唔食莞茜，餐厅愿意葱同莞茜另上都系贴心的。餐牌选择唔多，价钱算合理，一大班人吹水饮啤酒嘅好选择。