有鑊氣-酸菜魚 (醫局街)

营业中

休息中

其实已经好少食大排档feel嘅小炒晚餐，我去完沙滩同朋友一齐嚟到深水埗，竟然有意想不到嘅收获。话说我哋星期六6:30到达，餐厅已经坐到九成门，都知道应该有信心保证。一开始即刻叫咗杏汁猪肺汤，汤好饮汤渣好食。酸菜鱼系招牌菜，自然不负众望。最令人喜出望外嘅系小炒王，炒得够干身，上边嘅炸鱼仔同腰果好脆好香，火候够又炒得啱啱好韭菜好嫩，必叫！麻辣鸡煲一般OK，送饭都唔错。梅菜炒牛肉菜心，可能因为用咗火锅肥牛，而唔系新鲜牛肉，同埋菜心唔系一齐炒，食落去麻麻哋，绝对有改善空间。杯超级柠檬茶好似鱼缸咁大杯，叫咗佢唔使再饮其他嘢，绝对抵饮。总括而言，系好食，不过记住要订位。