民聲冰室 (裝修中)

睇到好多人推介民声冰室嘅肉饼山，今日入大坑试下，铺头得 3-4 张枱，可以选择坐室外，不过天气太热，公众假期下2点左右，都系选择等室内枱，等咗10分钟就有位，上菜都好快。午餐11:30-15:00，公众假期饮品要正价，无优惠价加配。叫咗出名嘅肉饼山同客家盐焗手撕鸡，冻柠茶少冰少甜 同 冻奶茶少冰少甜。肉饼山，真系名不虚传，好好食，咸蛋黄系起莎质地，肉饼肥瘦适中，唔鞋口，亦唔会觉得好腻好咸，呈山型，肉饼都可以蒸得受热均匀，唔会入面唔熟而出面太熟，配葱花 甜酱油，好适合送饭。客家盐焗手撕鸡，鸡肉一丝丝，质地好幼滑，唔太食到盐焗味，味道系有阵麻油香同芫荽香味。份量唔算好多，不过两个人食，份量刚刚好。冻柠茶少冰少甜 同 冻奶茶少冰少甜，冻柠茶好解渴，少甜之后，味道刚刚好，有种饮紧柠檬冰茶嘅感觉，好清新同凉快，茶底本身都系冻，而唔系室温茶底，就咁加冰𠮶种。冻奶茶中规中矩。老板好好人，好亲民又有礼貌，我地走𠮶阵仲多谢我地支持，埋单又收整数，收平几蚊，已经好少餐厅有呢种人情味。