阿木台灣麵 (豉油街)

营业中

休息中

就算暂时去唔到台湾旅行，但系无阻我时不想食台湾美食嘅心。呢间标榜传承台湾味道60年嘅小店，希望令我可以止止渴先。好少食店会讲自己传承咗几耐几耐，因为本身开店都无咁耐，真系无咁上下板斧都唔够胆认，又睇下佢系咪咁名符其实先。我哋人少少，点咗基本个个入来都点嘅红烧牛肉面／台湾肠便当／招牌芝士肉松蛋饼，味道点呢？红烧牛肉面牛肉大大旧，煮到淋得来都重有咬口，牛味浓，用红烧嘅煮法，令牛肉好有香辣味，香大过辣，所以唔食得辣都无有怕，我呢啲重口味之人追住食。台湾肠便当台湾肠可以话系我最钟意嘅，口感好脆，味道偏甜，呢个就系台湾肠独特之处，我就就系钟意佢嘅甜，重有片片嘅生蒜，一片肠一片生蒜，口感香甜又辛辣，好滋味，卤肉饭已经唔系重点，但系都好好味，油香满满，但系又唔油腻。呢个餐好丰富，仲配咗3个特色前菜。招牌芝士肉松蛋饼睇下佢啲芝士，爆晒出嚟啦，好好味，蛋饼比较烟韧，加埋半溶拉丝芝士肉松，口感咸香丰富，可以话系绝配。食完终于知道传承60年台湾味，果然名不虚传，难怪佢:咁有guts下次我知道来呢度揾台湾味，止止台湾瘾㗎啦。