豚王 (已搬遷) 新店位置

平日,好彩朋友抢先一步帮手放工拿拿声去排队。师父好认真咁煮紧面,而我好认真咁睇紧...师父前面个条叉烧柱!入面坐位唔算多,但都比中环个间大一倍。劲有日本FEEL,但上面极之快速!劲够香港风格~!六点半前去到,都要排队等到七点先入到席,临入座就接到ORDER纸,今次先试海老王。海老即系虾,我唔SURE佢落既系唔系樱花虾。因为我知道好多人,只想拿拿声落单,为左可以快D食到...张单都未算睇得清楚。我拣左味道浓度普通,但其他都选左普通,但蒜蓉拣左多。因为见到之前有人食黑王D汤太"杰"有D吓亲...碗面系我地坐落五分钟内上到台,劲快手!D汤饮落去已经知道好足料好够味,因为普通都FEEL到好浓猪骨同虾鲜味。一啖面一啾汤。夹得好好...我另加左紫菜,大大块,可以等紫色浸软再食。叉烧肉,半肥瘦系我可接受既范围,咬落去甘香,肥美,不至过腻!其他配料,黑木耳,葱都令其有另外既香味及口感。一口接一口真的忍不住往口里送进。之后台上面D辣芽菜同朋友丧食...增加拉面一D爽口既口感,由于之前已经加多左蒜,所以台上的生蒜就先不动了!下回再试!现在排队的人十分多,因此和朋友食完也不敢留太耐,毕竟大家都系为食一碗拉面