金船長餐廳 (已結業)

今日男朋友放假，所以好早就book咗呢间餐厅食饭，知道佢有一款Pizza系拎奖嘅，所以特登黎食下。嚟到梗系第一时间叫得奖嘅Pizza食啦，系有六吋既黑松露菌酱意式马斯卡普芝士夹心Pizza，配埋自家制提子果醋架，一上枱就已经切好晒啦，其实个侍应行紧过嚟嘅时候我就已经闻到好重黑松露嘅味，闻到就已经流晒口水，Pizza内外都系芝士，入面就有一层就系黑松露酱，第一旧就原味食咗先，第二旧就可以夹啲菜系入面再点啲果醋嚟食，口感一啲都唔流，食到停唔到口丫~小食就叫咗香煎法国鹅肝苹果沙律，呢个小食都有水准，鹅肝亦都好大份，配埋旁边嘅苹果粒一齐食，都几有酒店级水准之后叫咗香煎老虎虾并日式帆立贝伴龙虾汁天使面，老虎虾好爽口，天使面嘅份量亦都多食到最后当然唔少得有甜品啦，我就叫我最钟意食嘅金船长梳乎里，其实都几大份，我就拣咗朱古力味，两个人食一定够