麵麵 (已結業)

同事好耐之前推荐过，今晚路过太子，终于可以试一试，果然名不虚传呀！晚市套餐价钱大概一百元有找，已经包括一碗鱼汤料理，前菜及饮品。鱼汤料理可以选鱼面，鱼乌冬或者稻庭乌冬；而汤底可以拣花胶浓鱼汤或鱼香麻辣汤。鱼之恋浓汤鱼面 $72呢个坚好食，一望落已经见到好多料，好开心。首先鱼汤够浓，而且仲好多𩠌，有鱼腐、鱼春卷、墨鱼春卷、鱼蛋、鱼皮饺同鱼角，加上鱼面，今餐简直同鱼有仇。跟鱼面仲有三色小食，分别有柚子萝卜、小甜薯同麻酱海带，都几有心思几特别架。姜汁烧鳗鱼鱼汤料理 $98朋友系鳗鱼精，所以佢拣左鳗鱼鱼汤乌冬。感觉上冇我既鱼之恋咁丰盛。不过佢话鳗鱼加左姜汁落去烧，好有新鲜感，佢like 㖞！鱼乌冬比鱼面粗身少少，亦更滑嘟嘟，条条都好饱满有鱼蛋味，推介。Twins 鱼之脆卷$38分别系炸鱼春卷 mix 炸墨鱼春卷，配上特制麻酱，好香口，好好食，一试爱上。热泡沫奶茶 跟餐 +$10系台式热奶茶，甜甜地，多泡多奶，好滑。蜜桃椰菓绿茶 $22朋友饮的，都几大杯，够抵饮。环境都几好，坐位阔落，而且装修亦系有心思的，会再来。