Burger Joys (第一街)

营业中

休息中

个个都话自己系Number One! Burger Joys 不嬲都几有名气，之前吃过湾仔同埋中环嘅分店，食过都真系几数一数二，确实名不虚传！今日经开西环、突然又挂住....鱼柳汉堡，卖相够晒、分量亦都十足。鱼柳好大块，仲炸得超脆口，肉质鲜嫩。内层仲夹有番茄、生菜和洋葱，咬一口，他他酱汁已经涌出来 ...好有口感！朋友系素食者，所以拣咗个蘑菇芝士汉堡，起初以为会系一用大啡菇制成，但原来系用切碎嘅蘑菇制成嘅蘑菇扒，煎得刚刚好，唔会出晒水亦都唔会好干身。素食之选！惊喜之作！Burger Joyce另一吸引之处就系薯条种类选择多，芝士、黑松露、蒜蓉、同辣粉薯条。但我每次都会order Tater Tots! 真系唔系度度都有得食，好有童年回忆！扭扭薯条也是必叫之选，唔需要加茄汁已经好好味。