三星台菜食堂 (新城市廣場一期) (已結業)

一直都好想试吓名人傅珮嘉嘅台湾菜馆，知道沙田开咗一间分店，今晚终于有机会去试吓。餐厅位于商场入面，揸车人士更可以方便泊车，而且饭堂门口开阳，喺商场嘅一个转弯位入面。饭堂装修简约整洁，主要以木为主，感觉休闲清新。餐牌食物图片图文并茂，款式都几多。食台湾菜当然要叫返一啲台式饮品爽一爽喉咙，我就叫了健康嘅水果茶，朋友就叫了一杯冻嘅台式奶茶☕️。水果茶带点茶味嘅苦涩，味道好清新，入面仲有好多一粒粒嘅果实同埋水果片，果然足料。见到珍宝红烧三星面咁有份量，就即管试吓。一碗$82，入面有牛筋、牛展同埋牛肚，一次过满足我哋三个愿望，而且呢一碗面系镇店之宝，汤底以大量牛骨、洋葱、丁香等丰富材料熬制而成，难怪饮一啖汤底牛味香浓，散发出多种香料味道。而且面非常入味，带一点麻辣味道，好滋味。另外还有其他小食，包括炸百叶豆腐、大肠就是狂、椒盐四季豆同埋炸冲绳大鱿鱼🦑都同样新鲜美味。叫咗咁多嘢，食埋单都只系$500左右，位于沙田区属于性价比高的一间台式餐厅。