影片
更多
2016-04-10
3746 浏览
其实对汀兰居唔算陌生，因为老婆就有富贵老友住晌隔离嘅海涛花园，不过，佢一直以为汀兰居只喺服务式住宅，无谂过仲喺酒店，而且有家餐厅晌里面添。之前已留意到佢哋晌周六、日有做早午自助餐，而且，质素睇落颇高，所以，趁周六走嚟一趟，叹叹一顿懒洋洋嘅早午餐 。老婆知道荃湾港铁站有小巴过去，不过，晌官网睇到原来荃湾西有免费穿梭巴士直达，仲方便我哋。但网页显示供住客享用，再打电话问问，食客一样得。由于晌非多人时段享用，夹啱时间，唔使多等就有车有位，一阵间就由荃湾西站到汀兰居 。一入门口，就喺「酒店」大堂，有梳化椅、书柜，感觉颇有家居味道，有唔少住客都晌度打书钉咁款 。再往内走，就喺餐厅，地方颇大，楼底高，右边全部喺落地大玻璃，虽然对出唔喺即刻望海，喺属于酒店嘅小花园，但感觉开扬舒服。有部分挨墙梳化位，坐落就更爽。此外，无意间望到天花，所以冷气出风位都加上透明胶板隔一隔，唔怕被冷气吹到头晕，依啲都喺晌服务上嘅加分位 。其实，外出有啲露台位，不过，喺设定为可吸烟区域，亦见几位烟民，所以，乖乖拣番室内位。门口架设巨型收费表，收费一目了然，而依家仲全线做紧折扣优惠，早午自助餐更打7折，享用时间由11:
老婆知道荃湾港铁站有小巴过去，不过，晌官网睇到原来荃湾西有免费穿梭巴士直达，仲方便我哋。但网页显示供住客享用，再打电话问问，食客一样得。由于晌非多人时段享用，夹啱时间，唔使多等就有车有位，一阵间就由荃湾西站到汀兰居 。一入门口，就喺「酒店」大堂，有梳化椅、书柜，感觉颇有家居味道，有唔少住客都晌度打书钉咁款 。
再往内走，就喺餐厅，地方颇大，楼底高，右边全部喺落地大玻璃，虽然对出唔喺即刻望海，喺属于酒店嘅小花园，但感觉开扬舒服。有部分挨墙梳化位，坐落就更爽。
此外，无意间望到天花，所以冷气出风位都加上透明胶板隔一隔，唔怕被冷气吹到头晕，依啲都喺晌服务上嘅加分位 。
其实，外出有啲露台位，不过，喺设定为可吸烟区域，亦见几位烟民，所以，乖乖拣番室内位。
门口架设巨型收费表，收费一目了然，而依家仲全线做紧折扣优惠，早午自助餐更打7折，享用时间由11:00am至3:00pm，可以更悠闲慢慢叹。食吓、倾吓、抖吓、又再食吓，啱晒一班耐无见嘅朋友鸡啄唔断 。
先讲讲有咩嘢好食，食物区主要集中晌入门口位，包括：沙律、芝士碟、冷盘、冻海鲜、刺身、寿司、热盘、热汤、烤肉、薄饼、即煮意粉、拉面……等等，而户外位有烧烤嘢，最诱人喺10寸长嘅皇帝蟹脚，再入啲仲有生果、甜品。
果汁任饮 早午自助餐提供苹果汁及橙汁任饮，饮落似喺「果汁先生」嘅质素。坐低未攞嘢食，先斟一杯解吓渴。
沙律 食物区嘅正中央放下大大盘嘅沙律菜连多款配料，3款酱汁连油醋，所用嘅器皿，以及摆设，得几有心思。
第一道菜先食喺贯性用嚟开胃嘅沙律，其实你见佢哋用料真喺不赖，有红菜头、雅枝竹，加上样样配料要啲，淋少少法式蜜糖芥辣酱落沙律菜度，味道已经好唔错，但至紧要都喺食材新鲜。
沙律碟
178 浏览
1 赞好
0 留言
晌另一边位，有多款日本食物，以及几款预制好嘅沙律，外观唔错。
小弟就无夹嚟食，都喺黐老婆碟刺身试试，有吞拿、三文、八爪鱼，感觉都几鲜味。不过，今日人流唔多，唔需要点样补货，少少担心就咁放晌室温，隔耐咗新鲜度会有所不足。
冷盘、芝士碟 依个区域嘅食物好唔错，前者有沙乐美肠、西班牙肠及巴马火腿，而后者有蓝芝士、金文毕及艾曼托，不过，再细看，就唔见有蓝芝士，但却配搭上唔少干果及合桃。
凯撒沙律 除咗之前描述嘅沙律，以及晌日本嘢食附近嘅预制沙律外，仲有一处特别将即制凯撒沙律分开，而原个意大利巴马臣芝士肯定喺焦点所在。将罗马生菜混和凯撒沙律酱，再洒下烟肉碎、面包粒及巴马臣芝士碎，喺滋味嘅组合。
龙虾汤 是日餐汤只有西汤一款，不过，绝唔喺普通嘅忌廉汤，而喺香浓得紧要嘅龙虾汤，都未入口，打开煲盖已经嗅到阵阵龙虾香，香味一涌而上。
几样好嘢就当然可以夹埋一次过食，凯撒沙律、自家制蒜蓉酱拼金文毕芝士配法包，伴龙虾汤，以女生嚟讲，当一份轻怡嘅午餐都仲得呀！不过，当然由小弟一个人已够食力搞掂晒啦，之前老婆话啲龙虾汤有少少偏咸，发挥自助餐DIY精神，拌点奶落去，既缓和一下个咸度，入口就更滑溜多啲。
凯撒沙律、金文毕芝士法包伴龙虾汤
111 浏览
1 赞好
0 留言
BBQ 好多人都钟意烧烤，但有啲人就嫌麻烦，晌度食早午餐就有BBQ提供，叫人食得干手净脚。烤肉有牛扒、烤肠、鸡中翼、羊扒、青口及阿拉斯加皇帝蟹脚（大大盆不断供应） ，仲有多款烤菇同烧菠萝。
先试部份烧烤菜式，10寸长嘅皇帝蟹脚当然喺目标啦，不过，为咗方便客人取用，部份已裁为细件。食落又几有碳火香，肉味鲜甜，又唔会好咸，唧少少柠汁，一流呀；烧青口伴上蕃茄沙沙，又真喺唔错㖞。烧蔬菜好鲜甜，不过，至爱都喺烤菠萝，翻兜再翻兜当生果食 。
冻海鲜 依个项目喺好多自助餐嘅必备，亦喺好多人认为抵唔抵食嘅翻本指标，是日共有4款冻海鲜：翡翠螺、长蟹脚、青口及甜虾，却唔见之前晌其他食评见到嘅生蚝，感觉有所欠缺。
既然款式唔算多，就一次过试晒，幸而质素无欺场，最有惊喜反而喺啲翡翠螺，肥大肉厚，鲜甜到一得了；长蟹脚稍稍咸，下点咯嗲酱会好好多；至于甜虾，除咗爽甜之外，仲有少许虾膏添。
冻海鲜拼盘
88 浏览
1 赞好
0 留言
热盘 就晌冻海鲜背彼，横型一字排开，其实都几吸引，不过，真喺食唔到咁多嘢，就以相片及文字记录一下，等大家知道有咩选择：黑松露炒蛋、点心、菠萝鸡粒炒饭、炸鸡、咖踵角、春卷、忌廉芝士薯片、照烧三文鱼、红酒烩羊肉、炒时菜、咖喱鸡。
同老婆共享一份热盘，咁就可以样样试到又唔会食得太饱，黑松露炒蛋、忌廉芝士薯片及红酒烩羊肉喺小弟认为唔可以错过嘅推介心水，不过，啲炒时菜焗耐咗而黄晒。
即煮意粉虽然有意粉、长通及墨鱼汁意面可拣，配忌廉汁或蕃茄汁底，但配料唔多，都喺青口、烟肉、杂菌，故此，吸引度唔算大。不过，以之上食过佢哋嘅用料，相信就算一道卡邦尼，应该亦唔会差得去边。而意粉档前，仲有意式薄饼提供。
即煮拉面反而，粉面档唔喺中式，而喺做日式嘅拉面，睇档面都似梗似样，鸣门卷、叉烧……总好过次次都车仔面，好唔好食仲要睇埋汤底，但小弟无品尝过，就不便评论喇！
烤鸡、烧肉眼 除咗BBQ之外，拉面档隔离仲有美味嘅烤肉，依啲就啱我依个食肉兽多啲。是日嘅烤肉有烤鸡同肉眼，配烧汁或黑椒汁。只肉眼目测估计都有廿几、三十磅，外层烧得焦香，望见都流口水。等师傅郁手落刀，切开后睇得出肉质红润粉嫩，但又无话有血水标出，相信师傅日日烧，工多艺熟都掌握好晒啲火喉啦。
师傅好好人，烤鸡俾咗个脾位连翼我，而肉眼薄切两小件，仲问我试唔试一支骨位，佢话宁舍焦香，再加埋晌BBQ档嘅羊扒、猪肉肠就成为我嘅烤肉拼盘，夹完都急不及待埋位试味！烤鸡可能摆耐咗，皮开始有啲腍，但肉质好嫩；至于肉眼扒，够晒肉味，当然唔及西冷咁软腍，但都算腍身；羊扒又喺好正，肉质够嫩，肉味够膻，咁先似食羊嘛。
烤肉拼盘
74 浏览
1 赞好
0 留言
食到依度，都差唔到喺尾声，作为甜品死粉，当然预早已留番20%空间嚟食甜品啦。晌餐厅近尾，就喺生果及甜品嘅驻扎地，有各式各样甜点、朱古力喷泉、班戟机及Dreyer's杯装雪糕，夹夹埋埋十数款，唔使忧无选择。
咖啡、红茶食甜品衬杯咖啡或红茶点都喺叹啲嘅，啡茶就晌餐汤旁，当然咖啡杯嘅出品就唔好抱太大期望啦，但点都好，总算喺即磨；而茶包采用Dilmah，算喺有诚意啦！
小弟甜品碟嘅组合有朱古力批、栗子慕丝饼、朱古力慕丝饼、班尼士、蓝莓芝士饼、意大利芝士饼、法式炖蛋，拣嘅都喺心水精选。不得不重点推介当中嘅朱古力批、栗子慕丝饼及法或炖蛋，唔喺话其他无咁好，只喺依3款真喺唔好错过。朱古力批批壳松脆，啲朱古力馅软滑得很，又够浓郁；栗子慕丝饼个亮点喺啲栗子慕丝打得柔滑却栗子味十足；炖蛋用上云呢嗱籽做，既香且滑，焦糖面既薄且脆。整体甜品都喺做得精，唔会滥竽充数嚟撑场 。
甜品拼盘
85 浏览
1 赞好
0 留言
晌荃湾区高质素嘅自助餐唔多，Anchor's嘅早午自助餐食物都甚具质素，再者，环境确实几舒服，尤其阳光普照嘅日子，加上服务到位，照秤都可排得上名列前茅 。我哋食吓抖吓，迤足三个几钟，最后，唔搭穿梭小巴，两公婆漫步海滨，沿青山公路行返去荃湾西站（大概行半个钟），顺便帮助吓消化！
张贴
