影片
更多
2021-10-24
71 浏览
去完朋友屋企，就喺附近揾间茶记叫「街坊茶记」医医肚先。门面整咗霓虹灯招牌，里面又够晒光猛，环境都几整齐干净。入到去，店员已经好殷勤地招呼，感觉都好亲切，就好似左邻右里既咁，会介绍返当日嘅菜式啦，呢啲天气啱食啲乜嘢啦咁...都几friendly..最后同朋友叫咗两客晚市套餐。店员好快手即刻奉上2碗野葛红萝卜猪骨汤，饮落好足料，好够火候，啱晒啲屋企冇汤饮嘅朋友丫🙈。▶️豉汁蒸仓鱼$78成条鱼都整好滑身，一啲都吾鞋，再配埋佢独家秘制豉汁，带出条鱼既鲜味，真系劲岩送饭呀。▶️蜜椒薯仔牛柳粒$68啲牛柳粒煮到好软腍，啲青椒🫑、洋葱同薯仔都炒得好香口、入味，味道好出色，值得一赞。所有晚饭set 都配白饭、例汤、咖啡/茶，呢个价钱，呢个质素，呢个份量，真系对得住所有街坊丫。📍将军澳至善街5号雍明商场地下4号舖
入到去，店员已经好殷勤地招呼，感觉都好亲切，就好似左邻右里既咁，会介绍返当日嘅菜式啦，呢啲天气啱食啲乜嘢啦咁...都几friendly..
最后同朋友叫咗两客晚市套餐。店员好快手即刻奉上2碗野葛红萝卜猪骨汤，饮落好足料，好够火候，啱晒啲屋企冇汤饮嘅朋友丫🙈。
▶️豉汁蒸仓鱼$78
成条鱼都整好滑身，一啲都吾鞋，再配埋佢独家秘制豉汁，带出条鱼既鲜味，真系劲岩送饭呀。
▶️蜜椒薯仔牛柳粒$68
啲牛柳粒煮到好软腍，啲青椒🫑、洋葱同薯仔都炒得好香口、入味，味道好出色，值得一赞。
所有晚饭set 都配白饭、例汤、咖啡/茶，呢个价钱，呢个质素，呢个份量，真系对得住所有街坊丫。
📍将军澳至善街5号雍明商场地下4号舖
张贴
