快靚正燒味粉麵茶餐廳 (已結業)

今日阿妈话唔想煮太多，叫我斩啲料返屋企加送，咁香港人第一时间就梗系谂起叉烧啦，于是我放工就那那林赶去斩料啦见佢写住快靓正，完全符合晒香港人嘅要求，而且睇到佢橱窗啲鸡又黄又大只，咁就梗系要试吓啦。呢只烧鸭返到屋企仲系热㗎，而且皮脆肉滑，肉质厚实又唔会好肥腻，而且价钱有经济实惠，绝对系抵食烧肉用正腩肉位，肥瘦适中，啲皮依然好爽脆，肉质弹牙，啖啖肉连阿妈都问我去边度买到啲咁靓嘅烧腩仔返嚟。叉烧蜜味好重，而且用嘅系梅头肉，肉质厚实肥瘦适中，食落淋身又香甜，用你送饭真系一流呀⋯⋯乳猪嘅皮松化无比，食落脆卜卜，又唔会好肥最紧要系唔会有猪嘅苏味，，呢间快靓正真系食过返寻味，连阿妈都话平时唔识买𩠌嘅我今次果然无拣错。