皇玥

营业中

休息中

大佬一句话今年想食奶皇月饼，我就搜索边间今年大热。发现好多媒体都推介皇玥，仲主打「100%香港制造」。咁我就上星期去旺角门市睇睇。去到大排长龙，原来个个都系嚟攞月饼，而买月饼卷就唔洗排队，况且都仲有大半个月先中秋，咁嗱嗱临买咗一盒6个迷你流心奶黄月饼嘅月饼卷就离开。日前大佬话想攞月饼食，咁寻日(星期三)再去旺角门市攞月饼，条人龙比上次更夸张，当时大概6:00已经有成30人左右排紧队，需时15分钟先轮到我，职员会喺你面前开盒确认，非常贴心。当日晚饭过后嘅甜品就开咗一个迷你流心奶黄月饼嚟尝尝。包装盒都几靓同豪华，分开两层，每层3个，每个都系独立包装。其实自用的话我就觉得个包装好嘥。如果有啲既环保又简约啲嘅包装选择就更好。打开个独立包装，手感软棉棉，一刀切开已经见到流心奶黄缓缓流出，一啖食落去即时一股浓郁奶黄及咸蛋黄香味充斥口腔，奶黄流心口感幼滑而且甘香无比。虽然唔系低糖系列，但系甜度适中，感觉好似健康啲。