旺記冰室 (大本型) (已結業)

今天星期日天气不太好，全日都下著雨，在家已座到发呆，亚妈又去左旅行无人煮饭，所以就陪亚爸去大本型吃晚餐，问亚爸想食什么？他说上次同朋友食旺记冰室都唔错，就是在油塘大本型内，去到已有位不用等枱，如要饮清水可自助斟水。亚爸叫了个双拼滑牛虾饭$58，饮热鸳鸯。我就叫左个旺记杂扒饭$65，饮热柚子蜜。是个套餐连饮品，双拼滑牛虾饭，D牛肉薄薄一片，有好多片肉质很滑，虾就只有3只都几新鲜和弹牙，蛋都很滑时间煮到刚刚好不会老。而热鸳鸯太多奶不是太适合我的口味。另一个餐旺记杂扒饭，鸡扒和猪扒各一件，还有蛋和一些杂菜，我不喜欢它的汁所以改豉油汁，鸡扒出奇地厚，真的好耐无食过咁厚的鸡扒，肉质好滑应该是慢煮才会咁滑，而猪扒就韧左小小，但煎得很香，蛋一样很滑，杂菜有小小沙律汁，食落会开胃些，饭一粒粒好似蒸饭咁好食，是日晚餐2人共$123不须加一，食到我们都好饱，还要在商场行下当运动。