影片
更多
2022-08-30
884 浏览
今日去开Mega Box睇家私，行到攰揾个地方唞吓、食吓嘢，search吓openrice，原来呢度有日本过江龙人气店HoiHoi Pancake，咁钟意食日本嘢嘅我当然第一时间揾吓餐厅位置啦。不过其实唔洗点揾，餐厅就喺一楼，采用开放式设计，光猛简单嘅装修，非常易见。最近系日本蜜瓜当造季节，餐厅以此为主题 "It is Melon Time"，推出三重蜜瓜梳乎厘班㦸。三重用料分别有日本蜜瓜味轻忌廉、士多啤梨果肉夹心及软心云尼拿籽吉士酱。梳乎厘非常软绵绵，配上像空气一样软滑嘅忌廉，一啖一啖唔觉唔觉咁好快就食晒，真系有d唔够喉。当中嘅士多啤梨肉有甜、也有微酸的，增加了整个味道层次。加上彷蜜瓜造型超少女心，任何角度影相打卡也超美的。除左呢个靓靓又好味嘅特色甜品之外，餐牌仲见到green monday纯素系列，感觉清新又健康，于是叫左个「他他酱素鱼柳包配薯条」($98)。先讲薯条，中size薯条，亁身唔油腻、松脆、香口，几好食。至于主角鱼柳包，夹住两大条少少厚身嘅香脆素鱼柳，如果唔系睇左餐牌，我真系唔知系素鱼柳。味道、质感、口感，根本食唔出同真鱼柳有咩分别，配合埋他他酱、蕃茄、生菜，真系好值得
不过其实唔洗点揾，餐厅就喺一楼，采用开放式设计，光猛简单嘅装修，非常易见。
最近系日本蜜瓜当造季节，餐厅以此为主题 "It is Melon Time"，推出三重蜜瓜梳乎厘班㦸。
三重用料分别有日本蜜瓜味轻忌廉、士多啤梨果肉夹心及软心云尼拿籽吉士酱。梳乎厘非常软绵绵，配上像空气一样软滑嘅忌廉，一啖一啖唔觉唔觉咁好快就食晒，真系有d唔够喉。当中嘅士多啤梨肉有甜、也有微酸的，增加了整个味道层次。加上彷蜜瓜造型超少女心，任何角度影相打卡也超美的。
三重蜜瓜梳乎厘班㦸
20 浏览
0 赞好
0 留言
除左呢个靓靓又好味嘅特色甜品之外，餐牌仲见到green monday纯素系列，感觉清新又健康，于是叫左个「他他酱素鱼柳包配薯条」($98)。先讲薯条，中size薯条，亁身唔油腻、松脆、香口，几好食。至于主角鱼柳包，夹住两大条少少厚身嘅香脆素鱼柳，如果唔系睇左餐牌，我真系唔知系素鱼柳。味道、质感、口感，根本食唔出同真鱼柳有咩分别，配合埋他他酱、蕃茄、生菜，真系好值得推介俾想食素汉堡嘅人。
他他酱素鱼柳包配薯条
$98
9 浏览
0 赞好
0 留言
饮品点左抹茶沙冰($52)同洛神花玫瑰茶($38)，前者抹茶味香浓，沙冰幼滑，啱晒消暑; 洛神花玫瑰茶系茶包冲制，入口几香，侍应仲话如果觉得味太浓可添加热水，无形中变左可以添饮。😋
木系简约装修，加上枱面的小盘裁，文青风令整体用餐感觉悠闲恬静;行逛商场后，在这里用餐的确写意自在。
张贴
