コメダ珈琲店

营业中

休息中

之前喺名古屋食过早餐觉得唔错，依家开到黎香港当然要试下，不过真系好多人排队。叫左Komeda必食推介—冰与火。其实系牛奶软雪糕配日本Komeda自家制丹麦面包(伴糖浆）。佢话系由64层酥皮叠制而成，可能因为太有期望，所以食落有啲失望。个面包好重发酵味，唔香唔甜唔松脆，最后食晒个雪糕就算，个包食剩左一半。反而个雪糕好香滑好有牛奶味，咖啡就叫左Komeda特制黑咖啡，话系选用巴西最高级嘅咖啡豆，唔苦几有咖啡味，都算香浓，正常日式咖啡。之前喺日本食觉得佢个鱼柳包几好食，下次再去都系食返鱼柳包加杯咖啡算了。