富士山55 (拉麵沾麵專門店)

营业中

休息中

又到富士山啦,我真系好钟意食拉面架,希望大家唔好见怪.哩间拉面店除左有拉面同沾面外,仲有香港比较少见既捞面.哩碗捞面叫名古屋捞面,系哩间0黎自名古屋0既拉面店特有的,捞面0既布局同果D日式放题店食到0既中华冷面一样,配料都系整齐咁放系面上面,食0既时候要捞匀咁食.先讲配料,有紫菜,高丽菜,韮菜段,鱼介粉,叉烧,生蒜,免治豚肉同中间鲜黄色最抢眼0既蛋黄,配料颜色丰富,有菜又有肉,令人食欲大增!!!好喇, 开动了, 先将蛋黄整穿,令蛋汁流到面条上,蛋汁可以组合起所有0既配料同面条,免治豚肉煎得好香好脆带点微辣,而且份量刚好,捞匀后每一啖都沾有香脆0既豚肉,啖啖肉,食落大满足!另外最特别生蒜,由于本人好喜欢哩D蒜葱类0既香料食物,所以哩D生蒜简直有炒不可言0既作用, 香浓0既蒜味好正.不过食完好臭,要好好善后.唯一挑剔0既系面条唔够热,如果热辣辣就最好啦,始终香港人都喜欢热辣辣0既食物~