小南國 (已結業)

我唔知其他小南国名下既餐馆系咪都系一样.....咁不知所为!!服务态度一般都算喇,被安排坐喺门口右手边𠮶啲房内,但系又唔系成日有侍应喺附近,次次都要我地自己行到老连咁远去揾人返嚟落单,加茶.....啲食物质数亦唔见得我地要接受呢啲咁既服务啰,打电话留枱𠮶阵,问𠮶知客有咩菜要预订,佢随口'up'左十几款出嚟(唔使咁多菜要预订下话!!??!!??!!).好啦,喺自己听得唔清唔楚下终于留左只'富贵鸡'(都系自己衰...) --- 试过之后真系x家富贵啰---鸡肉'鞋霎霎';塞系只鸡肚入面𠮶啲全部都系平价料--金针,云耳,梅菜等等等(已经唔系好记得,因为𠮶阵好庆!),仲要成差唔多二百蚊一只--价钱就富贵,质素就'乞儿'啰!!再者,招牌菜小笼包系微暖既(两笼都系),间房啲冷气就开到好似喺殓房咁.....经此一役,我地一家六口唔会对呢个字号再有任何信心啰...