楓林小館 (已結業)

睇到啲食评讲到咁好，今日走去试，唔系唔好食，只系根本唔值咁嘅价，我就依住食评去叫，嗌咗以下嘅𩠌：煎封豆腐：几好食，但酿嘅虾肉好少，几乎食唔出，差不多成百蚊嚟讲系非常之咁唔值。椒盐虾：最好食系呢味，18蚊两，嗌咗十两。即系成180蚊。乳鸽：非常非常之咁普通，完全食唔出有乜特别。要成接近一百蚊一只同抢冇分别。耦饼：莲耦冇刨丝，而系一粒粒，唔好话系特别做法，呢啲系悭工夫嘅表现，只系中价酒楼嘅水平。一啲都唔惹味，屋企整仲要好过佢。由于冇菜食，自己点咗个平时食开嘅姜汁炒芥兰，炒得唔好食，最简单嘅菜就可以睇出呢间野嘅水平，结果现晒形。啲位坐得好迫。侍应喺我背后打烂野一地都系，啲碎片差啲整到我。埋单要$730，但我觉得只值$350，行远少少近油站𠮶间酒楼仲要好食过佢。啲装修系好古雅，但劝大家唔好受「老字号」所骗，装修可以将时间留住，但食物水准可以随著时代而不断退化。空有老字号之名而无老字号之实。