田籽茶事 (快富街) (已結業)

一个不留神，又有多间茶店开幕，一早瞓醒，朋友发来讯息，旺角有新店，昨日第一日试业，几有兴趣。加上男友要回公司，小店正喺不远处，啱哂。以位置而言，唔算属于大街大巷，胜在上手系模型店，相信都有啲人认知。黎到时店员正制作客人嘅外卖，有板有眼，几放心。整店装潢简单，以黑白格仔格仔配浅木色柜面，利用店侧嘅墙身，画左一幅几可爱嘅壁画，樱花树下饮茶？我比较肤浅，纯粹觉得影相几靓餐牌供应接近三十款饮品，有奶茶、特调茶、冷泡茶、厚鲜奶、纯茶等，定价$15-24，珍珠有多款口味，分别有黑糖、白玉、芒果、桂花、黄金珍珠。奶茶、鲜奶、纯茶可自选糖度，冻饮不设走冰。比较特别系呢度嘅冷泡茶、特调茶名字玩味十足，睇完会心微笑，例如「闺蜜比较美蜂蜜青柠」、「前男友酸溜溜益力多绿茶」、「田籽油切不怕胖茶」、「香港好难混蜜柠檬乌龙」等，颇有台式感觉第一次黎，当然系试下大热嘅鲜奶类，供应黑糖、冬瓜、抹茶、芋头、朱古力几款，价钱唔贵。田籽波霸厚鲜奶 $24制作算透明，黑糖连珍珠半杯、冰半杯再加澳洲鲜奶。黑糖纹路明显，比较稀身，所以向下流得颇快。未搞匀先饮一口，黑糖浓郁偏甜，鲜奶具奶香而厚滑混合后奶味覆盖黑糖亦系预料中事，甜度