名家韓國餐廳 (元宮閣)

营业中

休息中

天气凉，除了煲仔饭，另一选择就系食韩式既石窝饭。是日太古游，就黎左呢间食午市既石窝饭。食饭之前，都系一堆前菜，两个人黎左八小碟，午市食定食都有八小碟，的确系几唔错，不过款款都中规中矩，无话边款系特别难忘。饭方便，一个系泡菜牛肉石窝饭，一个系海鲜石窝饭，好多时食石头窝饭，店员都会出手捞，可能午市关系，店员都无出手，我喜欢有点焦，就无乜特别捞，可以多点饭焦吧。牛肉系肉碎关系唔系几见食，泡菜就偏向辛口。另一个海鲜，只有鱿鱼，小虾小蚬几只，原来咁就系海鲜。两款方面𩠌都系一般般，唯一好的话就系食哂个饭个窝都仲系好热下。仲有个汤，反而几唔错，至少够清甜。七十多蚊，食左个石头窝饭。