明豐粵菜館 (已結業)

爸妈住西营盘，自从地铁通车之后，回去探佢地就更方便。不过老人家喜欢吃中菜，次次聚餐都系连锁式酒楼，食物唔贵但略嫌行货，感觉食茶餐厅都无咁嬲。后来听爸爸讲，第二街东边街交界（Panda上少少）新开一间中菜水准好高，主厨以前做过阿一鲍鱼及岭南楼，而家自立门户，佢已经食了几晚小菜晚饭，我又跟佢去试下。老人家喜欢吃蒸鱼。呢度平时menu无蒸鱼，间中有「是日海鲜」，例如凉瓜炆仓鱼，今日就有蒸石蚌，火候系大酒楼级数。另一个招牌菜﹣酱烧牛肋条（HK$98）系慢煮心机之作。我好喜欢食牛，食了大半碟。平时我唔喜欢饮例汤，但今日例汤（炖汤）合掌瓜煲猪𦟌好清甜，无味精，原来系加入了日月鱼调味。呢度仲有其他套餐，因为店面较细，大部分台系2-4人，菜式亦大多是2-4人分量，不过性价比好高（东江盐焗鸡HK$85／半只，炒粉面系$55左右），同茶餐厅定价差不多但水准高好多。大厨亦做惯宴客菜，爸爸已订了一日试私房菜、另一日母亲节做节。