雲來軒 (已結業)

都有去过棉登径，但是未试过行到尽头，发现了有间中菜馆，名厨主理，于是乎约朋友一齐去食。楼上店要行一层楼梯，但上到去面积都几大，好旺好多人，见到咁，应该有质素。两个人点左三样嘢，様様菜都用好大个碟，而每个碟都有个性。柚子脆虾球大碟中间有小碟，用来放汁，橙与柑的味，实际是柚子汁，黏黏地，好味的，虾又大只又新鲜。冬阴公炒牛崧生菜包用只长方型的大碟，一客有六件，呢个好好食，用优质安格斯牛肉做，牛肉松软，味道辣辣地有点刺激，冬阴公汁唔可以睇少，配生菜食正好，减紧啲辣。西湖牛肉羹 用只扁圆碟，看起来一人份量都咁多，实际都唔少，非常好㖞，牛肉靓，好有口感。呢两款都系新出兼特别推介嘅安格斯牛肉做，有水准。整体服务环境都好，感觉良好。