峰壽司 (已結業)

寻晚同至爱去睇完小猪演唱会后,两口子好开心.跟住去旺角峰寿司医肚,点知一去到就话last order,唔紧要,一次过叫晒想食嘅野.d野食一黎,我地就开动了,点知食到咁上下,职员就行埋黎话"我地呢度无外卖服务,食唔晒唔可以带走"...边个唔知峰寿司只限堂食,而我地根本无担心过"食唔晒"呢个问题.行开左一阵又返黎,话要埋左张单先,都唔紧要,因为已预左.点知...职员在数碟,问题系d野食都未黎齐,点解会数碟.我之后就问职员野食未齐㖞,职员就话齐晒,厨房已无野食未出,我就开始有火了.自己叫咩食又点会唔知,个职员呢头话已再无野食,果头另一个职员就送上炸蚝...我要求职员再check多次单,最后结果系,仲有三碟食物送上...埋单后,我地继续食,跟住职员竟然话,你地仲有十分钟食,我地十二点打样...真系收左钱就赶人走.我同女朋友都食到无瘾,讲真,餐厅除左要照顾客人食欲外,亦需顾及客人心情.今时今日咁样o既服务态度,就算系更好食o既餐厅,都几难长久生存,又何况食材一般,味道水平不过不失嘅峰寿司.在我地未食完嘅时候,呢位职员仲要同其他职员讲"仲有一台未走,就快架喇"...试问何来再有心情去品尝味道呢..