影片
更多
2014-08-04
5492 浏览
是咁的，个人觉得香港酒家多如天上繁星，有好食难食，有高档平民。要打破平野冇好野嘅定律，真系除左汪阿姐张床褥之外，冇边个做得到。不过，一百蚊楼下食半只鸡，好多地方都做到，而且质素唔差。咁俾成两百蚊食半只鸡又系咪要食完之后有高潮咁高要求呢，又唔系，不过你叫得翠亨一靓鸡，系咪应该起码鸡有鸡味，并唔系一碟手撕沙姜冰鲜鸡呢。唔系话你唔好食，不过卖相差，点做招牌菜呢。碟卤牛腱算系不过不失啦，68蚊还可以，个卤水系有啲唔同嘅。枝竹火腩炆龙趸头腩，味道不俗，个煲就够大啦，鱼就碎上到不能再碎，卖相就唉，放多几条绿色嘅葱都唔会蚀嘅。好啦，终于有碟靓啲，红酒梨黑醋脆猪柳。卖相系正嘅，不过果两排响碟边嘅橙红色红酒梨，冇红酒味，亦冇梨味，又帮唔到碟fusion进化版嘅生炒骨，佢嘅存在价值响边呢，单纯伴碟？到个黑醋，我谂住一系意大利陈醋，一系滇江香醋，两者特色系酸而不涩，带甘甜，有独特香味。好明显佢用嘅系something else, 唔酸唔甜，老实讲你俾是但样出味啲我都收货。唯一可取系猪柳粒尚算脆，咁就128蚊。最安慰系个煲杏汁白肺汤，例牌四人份，$238 。七个人够分，仲有两碗半添饮。白肺够白，干净冇腥味，杏
碟卤牛腱算系不过不失啦，68蚊还可以，个卤水系有啲唔同嘅。
枝竹火腩炆龙趸头腩，味道不俗，个煲就够大啦，鱼就碎上到不能再碎，卖相就唉，放多几条绿色嘅葱都唔会蚀嘅。
好啦，终于有碟靓啲，红酒梨黑醋脆猪柳。卖相系正嘅，不过果两排响碟边嘅橙红色红酒梨，冇红酒味，亦冇梨味，又帮唔到碟fusion进化版嘅生炒骨，佢嘅存在价值响边呢，单纯伴碟？到个黑醋，我谂住一系意大利陈醋，一系滇江香醋，两者特色系酸而不涩，带甘甜，有独特香味。好明显佢用嘅系something else, 唔酸唔甜，老实讲你俾是但样出味啲我都收货。唯一可取系猪柳粒尚算脆，咁就128蚊。
最安慰系个煲杏汁白肺汤，例牌四人份，$238 。七个人够分，仲有两碗半添饮。白肺够白，干净冇腥味，杏味香浓，属水准之作。杏汁白肺汤系手工汤水，呢个价钱，呢个质素，呢个份量，算系超值。
总结，我人一向厚度，写野大多隐恶扬善，因为我相信一分钱，一分货。平嘅，素质未到门槛嘅，我会调节评价。一间知名食府，收得人钱，就要俾到货，你每碟减三十蚊就差唔多。否则，唔该，俾多少少心机，味道不变，卖相改善都好。
张贴
