雲貴風正宗雲南米線

营业中

休息中

🤰🏻老公仲未返香港，今晚又要独自去偷食。突然想食米线🍜，于是上网揾吓有无新嘢，唔想食嚟食去到喺𠮶几间。最终揾到云贵风，地方有啲隔涉，不过食好嘢一定要有啲付出嘅，专登搭巴士🚌去，好彩落车行一两分钟就到。5:45去到，好彩仲未好多人，即刻有位。一碗米线好唔好食，个人觉得最重要系汤底，第二就系腩肉，一试就知龙与凤，所以我拣咗中酸辣腩肉小锅米线 $41，饮品另计$6。份量刚刚好，汤底好浓郁，不过唔太食到酸味，辣味亦唔够香，不过有好多肉碎同辣椒碎，真材实料。腩肉厚身，最初担心会嚡熠熠，不过好彩无，都几爽口弹牙，但味道麻麻，无乜调味，只食到猪肉嘅原汁原味。米线有啲令人失望，煮得耐咗，真系入口即溶，唔需要任何咀嚼。整体来讲，不过不失。