影片
更多
2018-06-24
149 浏览
Plan黎葵广扫街之时，由于好多店铺炸物做得唔太好，唔系厚粉就劲油，一系无啦啦有个位劲硬，未试过呢间都冇好大期望被我列入非必要小食项目，就系仲食得落先选择黎试试～系葵广商场多处会发现佢地店既广告，黑色底但极为亮眼，甚至因为拉丝图吸引到一堆人流揾出呢间开系新既＂小食巷＂，我朋友更因为成日睇到呢个广告牌而流哂口水好想食，就起行一试，当日既时间去过好多店都唔洗排队，唯独依间人头涌涌，仍要等上２０分钟，可想言之广告几咁吸引人黎尝鲜，依番系我未食之前既想法。佢地有好多产品，样样都吸引，但第一次黎紧系要试试招牌「邪恶芝士」！仲有套餐，可惜就系冇我地想要既「炸鲜奶＋芝士棒」，只好分开叫，炸鲜奶＄２４＠７，芝士棒＄１５＠１…去左第二度地方行一阵好快过２０分钟，返黎岩岩好有得拎～。呢两款店员都会问要咩酱，炸鲜奶有朱古力／炼奶；芝士棒有沙律／千岛。我地为左食到炸鲜奶味道而选择炼奶；。芝士棒拣左千岛酱，平价既沙律酱我唔太敢试，通常只有肥腻味…唔想食到唔好味而影响到佢自家店既炸物感觉，保险地选择千岛酱。。食左咸既芝士棒先…视觉上见到白雪雪芝士，应该系车打芝士，韧性高到可以拉丝拉到好远，真系自己边食边睇系一种享
系葵广商场多处会发现佢地店既广告，黑色底但极为亮眼，甚至因为拉丝图吸引到一堆人流揾出呢间开系新既＂小食巷＂，
我朋友更因为成日睇到呢个广告牌而流哂口水好想食，就起行一试，
当日既时间去过好多店都唔洗排队，唯独依间人头涌涌，仍要等上２０分钟，可想言之广告几咁吸引人黎尝鲜，依番系我未食之前既想法。
佢地有好多产品，样样都吸引，但第一次黎紧系要试试招牌「邪恶芝士」！
仲有套餐，可惜就系冇我地想要既「炸鲜奶＋芝士棒」，只好分开叫，炸鲜奶＄２４＠７，芝士棒＄１５＠１…
去左第二度地方行一阵好快过２０分钟，返黎岩岩好有得拎～
炸鲜奶＋拉丝棒
$39
15 浏览
0 赞好
0 留言
。呢两款店员都会问要咩酱，炸鲜奶有朱古力／炼奶；芝士棒有沙律／千岛
。我地为左食到炸鲜奶味道而选择炼奶；
。芝士棒拣左千岛酱，平价既沙律酱我唔太敢试，通常只有肥腻味…唔想食到唔好味而影响到佢自家店既炸物感觉，保险地选择千岛酱。
芝士拉丝棒
$15
27 浏览
0 赞好
0 留言
。食左咸既芝士棒先…视觉上见到白雪雪芝士，应该系车打芝士，韧性高到可以拉丝拉到好远，真系自己边食边睇系一种享受！
。味道：出面炸粉部份唔厚岩岩好，唔会一旧粉衣，松脆卜卜～轻轻一咬就完美裂开～Oh～～个芝士咸咸地口感厚又软，浓香又滑～加上选择千岛酱，有小小酸甜味感觉冇咁油同唔会食滞，成个芝士棒超级夹！！底部系有短短地既香肠，尾端切成八爪鱼样，炸到香脆岩岩好唔会黑哂！
炸鲜奶７粒
$24
16 浏览
0 赞好
0 留言
。炸鲜奶系同样粉衣包住，口感同芝士棒一样薄而松脆唔厚粉！个鲜奶…系半流心咁！！我同朋友食完一啖都要哩埋眼感受一下瞬间美味幸福每食一啖都觉得好享受！鲜奶味香浓﹑柔滑，点埋小小炼奶一样出色，幸好冇点朱古力酱去遮左佢原本优秀奶香味！
。炸鲜奶唔系间间整得好食，曾经系台湾食过一样唔多得，食落口一系大旧鲜奶味既粉，一系唔脆既厚粉，一系冇奶味添！
＞简直另眼相看…小店依个价钱都有咁既质素，除左被图吸引黎尝鲜既人流，好肯定都唔少翻头客！希望佢可以继续保持，唔好做落去愈整愈差，因为我仲要黎多几次！
题外话/补充资料：
由于广场新开发位置，唔系当眼处，要经过好多卖衫既地方行到最入面转角入巷，通风设备冇咁好，行入巷就会见到有Ｄ油烟，但仍可接受，左右营业店舖唔多，有好大个位可以企，唔算太迫
(以上食记乃用户个人意见 , 并不代表OpenRice之观点。)
张贴
